ოტო ჰენრიხ ვარბურგი

ოტო ჰენრიხ ვარბურგი
	ოტო ჰენრიხ ვარბურგი
	გერმ. Otto Heinrich Warburg
დაბადებაშ თარიღი:	8 გჷმათუთა, 1883
დაბადებაშ აბანი:	ფრაიბურგი, ბადენი, გერმანიაშ იმპერია
ღურაშ თარიღი:	მარაშინათუთა 1, 1970 (86 წანერი)
ღურაშ აბანი:	ბერლინი, ბჟადალი გერმანია
მენოღალობა:	გერმანია
ომენცარე სფერო:	ციტოლოგია
სამუშაშ აბანი :	კაიზერ ვილჰელმიშ ბიოლოგიაშ ინსტიტუტი
ალმა-მატერი:	ბერლინიშ უნივერსიტეტი; ჰაიდელბერგიშ უნივერსიტეტი
ომენცარე ხემანჯღვერი:	ემილ ფიშერი
ჯილდოეფი დო პრემიეფი:	რკინაშ ჯვარი (1918); ადოლფ ფონ ბაიერიშ მემორიალური მენდალი (1925); ნობელიშ პრემია ფიზიოლოგიაშ დო მედიცინაშ დარგის (1931); Pour le Mérite (1952); ჰარნაკიშ მენდალი (1963); ლონდონიშ ომაფე საზოგადოებაშ მაკათური

ოტო ჰენრიხ ვარბურგი (გერმ. Otto Heinrich Warburg; დ. 8 გჷმათუთა, 1883, ფრაიბურგი, ბადენი, გერმანიაშ იმპერია — ღ. 1 მარაშინათუთა, 1970, ბერლინი, ბჟადალი გერმანია) — გერმანალი ექიმი დო ფიზიოლოგი, ნობელიშ პრემიაშ ლაურეატი ფიზიოლოგიაშ დო მედიცინაშ დარგის 1931 წანას. ლჷმენდჷ მაართა მოსოფელიშ ლჷმას. გურაფულენდჷ ბერლინიშ დო ჰაიდელბერგიშ უნივერსიტეტეფს. ვარბურგი გურაფაშ თებაშ უკულ მუშენდჷ კაიზერ ვილჰელმიშ ბიოლოგიაშ ინსტიტუტის პროფესორო. 1931 წანაშე რდჷ კაიზერ ვილჰელმიშ ბიოლოგიაშ ინსტიტუტიშ დირექტორი. ოტო ჰენრიხ ვარბურგიშ მენცარული ინტერესეფიშ სფერო რდჷ კიბოშ პათოგენეზი, კიბოშ მეტაბოლიზმი დო შხვეფი. ვარბურგიშ ჯოხონობაშ რე ვარბურგიშ ეფექტი ონკოლოგიას დო ვარბურგიშ ეფექტი ბოტანიკას. ოტო ჰენრიხ ვარბურგი ნობელ პრემიაშა ნომინირაფილი რდჷ 47-შა. რდჷ ლონდონიშ ომაფე საზოგადოებაშ მაკათური.

ლიტერატურა

Krebs, Hans Adolf (1981), Otto Warburg: Cell Physiologist, Biochemist, and Eccentric, Oxford University Press.

რესურსეფი ინტერნეტის