პეტრე მელიქიშვილი

ვიკიპედიაშე
პეტრე მელიქიშვილი
დაბ. თარიღი 29 მანგი/11 კვირკვე
ღურაში თარიღი 23 მელახი, 1927
დაბადებაში აბანი 1850, ქართი
ღურაში აბანი ქართი
ერუანობა ქორთუ
საქვარუა მენცარი, სფერო ქიმია

პეტრე გრიგოლიში სქი მელიქიშვილი (ქორთულო პეტრე გრიგოლის ძე მელიქიშვილი (დ. 29 მანგი/11 კვირკვე, 1850, ქართი ― გ. 23 მელახი, 1927, ქართი) — ქორთუ ქიმიკოსი, ქართიშ უნივერსიტეტიშ მაართა რექტორი (1918) დო ართბორჯულო 1918 წანაშე 1927 წანაშახ ორგანული ქიმიაშ კათედრაშ გამგე. სსრკ-ის მენცარობეფიშ აკადემიაშ მაკათური-კორესპონდენტი (1927).

ბიოგრაფია[რედაქტირაფა | წყუშ რედაქტირაფა]

პეტრე მელიქიშვილქ დებადჷ ქორთუ კათოლიკეეფიშ ფანიას. 1868 წანას გათუ ქართიშ ქომოლსქუალეფიშ გიმნაზია, 1872 წანაშე გურაფულენდჷ ნოვოროსიაშ (ოდესა) უნივერსიტეტიშ ფიზიკა-მათემატიკაშ ფაკულტეტიშ ორთაშ გჷნართას. 1873 წანაშე რდჷ ევროპას, იჩინებაფუანდჷ ლოთარ მაიერიშ დო იოჰანეს ვილიცენუსიშ ლაბორატორიეფს დო თექ მიმალ ხანდეფს. 1881 წანას გინირთჷ ქიმიაშ მაგისტრო ნოვოროსიაშ უნივერსიტეტის, 1885 წანას დოქტორო. ართი წანათ ორდო, 1884 წანას დოჭყაფილი მუშობა გაგინძორჷ, მუჭოთ დოცენტიქ დო სადოქტოროშ თხილუაშ უკული, მუჭოთ პროფესორქ. 1885-1917 წანეფს მელიქიშვილი რდჷ ნოვოროსიისკიშ უნივერსიტეტეფიშ აგრონომიული ქიმიაშ კათედრაშ პროფესორი. მელიქიშვილი რდჷ მაართა, ნამდგაქ მიღჷ

პეტრე მელიქიშვილი ოდესაშ უნივერსიტეტიშ სტუდენტეფწკჷმა ართო

ორგანულნაკათეფიშ კლასი, ნამუდგეფს გლიციდმჟავეფი გიოდუ. მელიქიშვილქ მუში მოგურაფუ ლევ პიზარჟევსკიწკჷმა ართო მიღჷ კანკალე ელემენტიშ (U,Nb,Ta,W,Mo,B,Ti,V) ჟინომჟავეეფი. თინეფქ თაშ ხოლო ოძირეს, ნამდა წყარიშმაბადებელი ჟინომჟავეეფიშ ბრელი ოეგებიე ფორმულეფშე არძოშე უმოსი თინი დო მიოღებელი რდჷ მათ H-O-O-H. მელიქიშვილი რდჷ მაართა, ნამდგაქ მიღჷ ამონიუმიშ ჟინომჟავა დო ნატრიუმიშ პერბორატი. ივანე ჯავახიშვილწკჷმა ართო პეტრე მელიქიშვილი რდჷ ართი-ართი თარი ფიგურა ქართიშ სახენწჷფო უნივერსიტეტიშ დორსხუაფაშ საქვარს. 1900 წანას მელიქიშვილქ ლევ პიზარჟევსკიწკჷმა ართო მიღჷ პეტერბურგიშ აკადემიაშ უმაღალაში ჯილდო, ლომონოსოვიშ პრემია ჟინომჟავეეფიშ დო ჟინოღანჯეფიშენ მონოგრაფიაშ გეშა, ნამუთ გჷშაშქჷ 1899 წანას. თე ხანდას მაღალი ფასება მეჩჷ დიმიტრი მენდელეევქ, თე ნახანდის ორწყედჷ მუ მუში დორხველი (დო თაში ხოლო მენდელეევშე დუდიშულო მოხანდე ლოთარ მაიერიშ) სისტემაშ ტკიცე დასურს. 1927 წანას მელიქიშვილი გეგშიგორეს სხუნუეფიშ რსხუშ მენცარეფიშ აკადემიაშ მაკათურ კორესპონდენტო.

ლიტერატურა[რედაქტირაფა | წყუშ რედაქტირაფა]