პიროსი ეპიროსალი

	პიროსი ეპიროსალი; ჯვ. ბერძ. Πύρρος
	; პიროსიშ მარმარილოშ ბიუსტი ნეაპოლიშ არქეოლოგიურ მუზეუმს
ეპიროსიშ მაფა
პოსტის გერინაშ ბორჯი
	ჯვ. წ. 297 – ჯვ. წ. 272
წიმოხონი	ნეოპტოლემე II
მონძე	ალექსანდრე II
პოსტის გერინაშ ბორჯი
	ჯვ. წ. 307 – ჯვ. წ. 302
წიმოხონი	ალკეტას II
მონძე	ნეოპტოლემე II
მაკედონიაშ მაფა
პოსტის გერინაშ ბორჯი
	ჯვ. წ. 274 – ჯვ. წ. 272
წიმოხონი	ანტიგონე II
მონძე	ანტიგონე II
პოსტის გერინაშ ბორჯი
	ჯვ. წ. 288 – ჯვ. წ. 285
წიმოხონი	დემეტრე I
მონძე	ანტიგონე II
სირაკუზაშ ტირანი
პოსტის გერინაშ ბორჯი
	ჯვ. წ. 278 – ჯვ. წ. 276
წიმოხონი	თინიონე & სოსისტრატე
მონძე	ჰიერონ II
ნაღურა	ჯვ. წ. 272 (46 წანერი); არგოსი, პელოპონესი, საბერძნეთი
მუმა	ეაკიდე
ნანა	ფტია
ალმასქუ	ანტიგონა; ლანასა; ბირკენა
სქუალეფი	ოლიმპია; პტოლემე; ალექსანდრე II; ჰელენუსი
რელიგია	ბერძენული რელიგია

პიროსი (ჯვ. ბერძ. Πύρρος; დ. დოხ. ჯვ. წ. 319 — ღ. ჯვ. წ. 272) — ბერძენი სახენწჷფო დო ოურდუმე მოღალე, ეპიროსიშ მაფა ჯვ. წ. 307-302 დო ჯვ. წ. 297-272 წანეფს, მაკედონიაშ მაფა ჯვ. წ. 288-285 დო ჯვ. წ. 274-272 წანეფს, ეაკიდეფიშ დინასტიაშ წჷმმარინაფალი. რდჷ ორდოიანი რომიშ ართ-ართი უნძალიერაში ოპონენტი. პიროსიქ ბრელშა დამარცხჷ რომალეფი, მარა გომორძგუეფს მიოჭირინუ შანულამი გავალიშ შედეგო. თავრეშე მოჸურს შინელი გჷმოთქუალა პიროსიშ გომორძგუა.

პიროსიქ ეპიროსიშ მაფათ გინირთჷ 13 წანერი რდუნ თეშ, ჯვ. წ. 306 წანას. მარა ოთხი წანაშ უკულ თინა გეგთარაგუ კასანდრექ. პიროსი მონაწილენდჷ დიადოქოსეფიშ ლჷმეფს. ჯვ. წ. 297 წანას პიროსიქ ხვისტა დირთინუ პტოლემე I-შ ალარინათ. ჯვ. წ. 280 წანაშე პიროსი აქტიურო ოლიმუდჷ რომს. ლჷმაქ დუდშე დიჭყჷ რომიშ დო ბერძენული ნოღა ტარენტუმიშ კონფლიქტით. ტარენტუმქ ალარინა ქოთხუ პიროსის. პიროსიშ ღანკი რდჷ დინდარი სიცილიაშ ხეშა ეშაჸოთამა, ნამუთ ჸათე ბორჯიშო კართაგენიშ კოლონია რდჷ. შედეგო, პიროსის ოლიმუდეს მუჭოთ რომალეფი, თაშნეშე კართაგენალეფი.

ჯვ. წ. 280 წანას, ჰერაკლიუმიშ ლჷმას დო ართი წანაშ უკულ, ასკულუმიშ ლჷმას პიროსიქ დამარცხჷ რომალეფი. უკულ თიქ სიცილიაშა გემშეჭკირჷ, მარა მალას სიცილიაქ დატებელქ აჸუ. ჯვ. წ. 275 წანას, ბენევენტუმიშ ლჷმას რომალეფქ ორჯგინეს პიროსის. ჸათე მარცხიშ უკულ პიროსიქ მიოდინუ დაკინებული ტერიტორიეფიშ უმენტაშობა.

ჯვ. წ. 274 წანას პიროსიქ მაკედონიაშა გემშეჭკირჷ, ქუდახუ ანტიგონე II გონატი დო ხეშულობა მუქ ქაშეჸოთჷ ხეშა. ჯვ. წ. 272 წანას პიროსიქ მანწყუ ლესქერობა პელოპონესის დო სპარტაშ ეჭოფუა ულამუდჷ. პიროსიშ ჯარეფქ სპარტა ქართას (ალყა) ქინახუნეს. პიროსიშ ოურდუმე კამპანიაქ წჷმოძინელქ ვეჸუ. ჯვ. წ. 272 წანას, არგოსიშ ბურჯაფიშ მიმალობას, პიროსი დოჸვილეს.

ლიტერატურა

ენციკლოპედია ბრიტანიკა
პიროსი Livius.org-ის