პლატო

პლატო — (ფრანგ: plateau - ბირტყა) დიხაუჩაშ ჟიპიჯიშ ამაღალებური ფორმა, მუდგაშოთ დუმახასიათებელიე ბირტყა ვარა რეხიშური დაღარას დორთილი რელიეფი. წჷმმარინუნანს ამაღალებური დჷკის, ნამუთ მუშ ჸურე, გვალონაშ აკოდგინალაშა მიშმურს. უღუ ჯგირო გიმოხანტილი ლაბეფი. ოშქარულო თე თუ თი პლატოშ სიმაღალა ითირუ 400 მ-შე 600-შახ. რელიეფიშ ფართას გოფაჩილი ფორმა რე. ლავური ქიმიაშ მოღალუთ იქიმინუ ლავური პლატო (მაგ. ახალქალაქიშ პლატო).

პლატოშ რელიეფი გჷშმეგორუ ქვიბიშ, სუკეფიშ, გაბარეფიშ დო კანიონიშური ლეხერეფიშ ართამობათ. აფხვადუნა რელიეფიშ კარსტული ფორმეფი ხოლო (მაგ., უსტიურტიშ პლატო). არსებენს დენუდაციური, წყართუდონი დო შხვა ტიპიშ პლატოეფი. პლატო ფართას გოფაჩილი რელიეფიშ ფორმა რე მიარე კონტინენტის.

საქორთუოს ღოზგასუმალარიე ახალქალაქიშ, გომარეთიშ დო დმანისიშ პლატოეფი; უსტიურტი, კრასი დო შხვა პლატოეფი ევროპას დო აზიას.

ქოძირით თაშნეშე

ნარაზენი

ლიტერატურა

Геологический словарь, Т., [2] М., 1955.