ჟორჟ ბულანჟე
| ჟორჟ ბულანჟე Georges Boulanger | ||
 | ||
| ოურდუმე მინისტრი | ||
|---|---|---|
| პოსტის გერინაშ ბორჯი | ||
| 7 ღურთუთა, 1886 – 30 მესი, 1887 | ||
| პრემიერ-მინისტრი | შარლ დე ფრეისინე რენე გობლე | |
| წიმოხონი | ჟან-ბატისტ კამპენონი | |
| მონძე | თეოფილე ფერონი | |
დეპუტატეფიშ პალატაშ მაკათური | ||
| პოსტის გერინაშ ბორჯი | ||
| 15 პირელი, 1888 – 12 კვირკვე, 1888 | ||
| პოსტის გერინაშ ბორჯი | ||
| 19 მარაშინათუთა, 1888 – 14 გჷმათუთა, 1889 | ||
| დუნაბადი | 29 პირელი, 1837 რენი, საფრანგეთი | |
| ნაღურა | 30 ეკენია, 1891 (54 წანერი) ბრიუსელი, ბელგია | |
| ნთხორუ აბანი | იქსელიშ სასაფლა, ბრიუსელი | |
| მენოღალობა |  საფრანგეთი | |
| პოლიტიკური პარტია | პატრიოტეფიშ ლიგა | |
| ალმასქუ | ლიუსი რენუარი | |
| სქუალეფი | ელენ-მარი, მარსელი | |
| გონათაფა | სენ-სირიშ სპეციალური ოურდუმე სკოლა | |
| ჯილდოეფი | საპატიო ლეგიონიშ ორდენი (1886) | |
| ხეშმოჭარუა |  | |
ჟორჟ ერნესტ ჟან მარი ბულანჟე (ფრანგ. Georges Ernest Jean Marie Boulanger; დ. 29 პირელი, 1837 — ღ. 30 ეკენია, 1891) — ფრანგი გენერალი დო პოლიტიკოსი.
გურაფლენდჷ სენ-სირიშ სპეციალური ოურდუმე სკოლას. 1856 წანაშე ნინალენდჷ იტალიას, ალჟირს დო ინდოჩინეთის. 1870-71 წანეფს მონაწილენდჷ საფრანგეთ-პრუსიაშ ლჷმას. 1871 წანას პარიზიშ კომუნაშ შაფათუაშ ბორჯის, დოჭკირეს. 1880 წანას გინირთჷ ბრიგადაშ გენერალო დო 1882 წანას ქვიითი ჯარეფიშ მანჯღვერთარო. ჟირი წანაშ უკულ ბულანჟე ქუდარინეს ფრანგული არმიაშ ხემანჯღვერო ტუნისის. პარიზიშა დორთინაშ უკულ, პოლიტიკას ქაკათჷ დო ჟორჟ კლემანსოშ დო რადიკალური პარტიაშ პატრონაჟით სარგებლენდჷ. 1886 წანას პრემიერ-მინისტრი შარლ დე ფრეისინეშ თარობას ბულანჟექ ქიდეკინჷ ოურდუმე მინისტრიშ პოსტი. ბულანჟე მეჸუნდჷ ანტი-გერმანული დო რევანშისტული პოლიტიკას.
პოსტიშ გერინაშ ბორჯის თიქ ატარჷ შანულამი რეფორმეფი: დოთირუ ჯარეფიშ დისლოკაციაშ აბანეფი, გაუჯგუშჷ ოურდუმე მობილიზაციაშ სქემა, გამანგარჷ საფრანგეთიშ სანძღოეფი, მიშეღჷ ახალი ტიპიშ ანჯარეფი, გაუჯგუშჷ ჯარიშკოჩეფიშ მატერიალური დგომარობა დო შხვა. ჸათე საქვარეფიშ შედეგო ბულანჟექ კაბეტი პოპულარობა მიპალუ.
1886 წანას ფრეისინექ გიშაგორუეფი წაგუ. ახალი პრემიერ-მინისტრის რენე გობლეს ბულანჟე ვამუნწყუმჷ დო თიქ მინისტრიშ პოსტის ქიგესკიდჷ. გობლეშ უკულიანი პრემიერ-მინისტრის მორის რუვიეს ბულანჟე ვამოწონდჷ, თიწკჷმა ჯგირი ურთიართალა ვაუღუდჷ დო მუში ადმინისტრაციაშა ბულანჟე ვემშეჸონჷ. საგამათ, ბულანჟე ქუდარინეს ჯარიშ ართ-ართი ნორთიშ, XIII კორპუსიშ მანჯღვერო. ჸათე ბორჯიშო ძალამს გენძალიერჷ ბულანჟისტური ჸარაფიქ, ნამუსჷთ ალურდეს ბონაპარტისტეფი დო მონარქისტეფი. მასუმა რესპუბლიკაშ თარობაქ, ნამუსჷთ ბულანჟეშ ავტორიტეტიშა ოშქურუდჷ, 1888 წანას ბულანჟე არმიაშე მონწუ. თე წანაშ პირელს, ბულანჟე გიშაგორილქ იჸუ დეპუტატეფიშ პალატაშ მაკათურო, ნორიშ ოლქიშე. ახალი პრემიერ-მინისტრიქ შარლ ფლოკექ, 13 კვირკვეს ბულანჟე დუელშა გეგშიჭანუ. დუელს ფლოკექ ბულანჟე დოჭკირჷ.
1889 წანას ღურთუთას ბულანჟექ ხონარეფიშ უმენტაშობათ მიგჷ გიშაგორუეფი დო კინ დირთჷ დეპუტატეფიშ პალატაშ მაკათურო. გიშაგორუეფიშ შედეგეფიშ გჷმოცხადაფაშ ბორჯის, ბულანჟეშ მოხუჯეეფქ მოთხის ბულანჟეს - მუს გეუჭოფუდუკო ხეშუულება. მარა თიქ ჸათე შანულამი მომენტი ვერგებუ. ჸათეშ უკულ ქიდიჭყჷ ბულანჟისტური ჸარაფიშ დოდაღარაფაქ. ახალი თარობაქ, პრემიერ-მინისტრი პიერ ტირარიშ ხემანჯღვერობათ, პოლიტიკური მოტივეფით თხოზინი ქუდუჭყჷ ბულანჟეს. თის საპარლამენტო იმუნიტეტი გეგლანწყეს, გასამართეს დო სახენწჷფოშ გითოჩამა ქეკადვეს. ბულანჟექ დიო ბრიუსელშა ინტუ, უკულ ლონდონშა. 1889-1890 წანეფს ბულანჟისტური ჸარაფიქ პოლიტიკური შანულობა მიოდინუ დო ოჯარალე ენთუზიაზმიქ ხოლო ჭიეჭიეთ მეჭყორდჷ. ჟორჟ ბულანჟექ 1891 წანაშ 30 ეკენიას, ბრიუსელს, მუში ოჸოროფუშ სასაფლას დუდი დიჸვილჷ.
თეხანური მარკვიებელეფიშ აზრით ბულანჟეს უღუდჷ ქარიზმა მარა ვარდჷ გამბედუანი პოლიტიკოსი დო ნძალიერი ლიდერი. თის ვარგებუ მასეფიშ ალარნაქ დო ვემიაჭირინუ მუში მოხუჯეეფიშ გოართოიანაფაშა.