ჟორჟ სიმენონი

ჟორჟ სიმენონი
	ჟორჟ სიმენონი
	; ჟორჟ სიმენონი 1963 წანას
ფსევდონიმი:	G. Sim, Monsieur Le Coq
დაბადებაშ თარიღი:	13 ფურთუთა, 1903
დაბადებაშ აბანი:	ლიეჟი, ბელგია
ღურაშ თარიღი:	ეკენია 4, 1989 (86 წანერი)
ღურაშ აბანი:	ლოზანა, შვეიცარია
ერუანობა:	ბელგიარი
საქვარუა:	ჭარუ, ნოველისტი
პერიოდი :	1919–1981
Magnum opus:	კომისარი მეგრე
ჟანრი:	დეტექტივი
ნინა:	ფრანგული ნინა
ჯილდოეფი:	ედგარ ალან პოშ პრემია; ბელგიაშ ომაფე აკადემიაშ მაკათური (1952);

ჟორჟ ჟოზეფ ქრისტიან სიმენონი (ფრანგ. Georges Joseph Christian Simenon; დ. 13 ფურთუთა, 1903, ლიეჟი, ბელგია — ღ. 4 ეკენია, 1989, ლოზანა, შვეიცარია) — ბელგიარი ჭარუ დო ნოველისტი. სიმენონი ავტორი რე დოხოლაფირო 500 ნოველაშ, რომანიშ დო თხობელუაშ. თიში დეტექტივური ნაწარმებეფიშ თარი გჷმოგონილი პერსონაჟიე კომისარი მეგრე.

ჟორჟ სიმენონი პროფესიათ ჟურნალისტო რდჷ. ჭარალუათ ორდოიანი წანეფიშე დეინტერესჷ. მაართა რომანი 1921 წანას გჷმაბჟინუ "G. Sim"-იშ ფსევდონიმით. მუში ლიტერატურული კარიერაშ პერიოდის სიმენონი ირინუანდჷ შხვადოშხვა ფსევდონიმეფს.

1922 წანას ოცხოვრებშა საფრანგეთიშა მიდართჷ, სოდეთ 1945 წანაშა ქუდოსკიდჷ. 1945 წანას ოცხოვრებშა ამერიკაშა გეგნორთჷ. ევროპაშა 1955 წანას დირთჷ. დიო საფრანგეთის ცხოვრენდჷ დო უკულ შვეიცარიას. ღურუ 1989 წანაშ 4 ეკენიას, შვეიცარიაშ ნოღა ლოზანას, 86 წანერქ.

ჟორჟ სიმენონიშ ნაჭარეფიშ სიუჟეტეფს რე გერსხილი ბრელი კინო-ფილმი.