რამადანი
| რამადანი | |
|---|---|
 |
|
| ტიპი | ისლამი |
| შხვანერო | რამადანი, რამაზანი |
| შანულობა | ხონება |
| მიშაღალირი რე | მაჰმადი |
| იშინუანა | მუსლიმეფი |
| პერიოდი | 1-შე 30 რამადანი |
რამადანი, რამაზანი — ისლამური კალენადრიშ მაჩხორა თუთაშ ჯოხო. თე თუთას გოთანაშე (იალონშე) ბჟაშ ალულაშა არძა მუსლიმი ხონენს თე ბორჯის თინეფი ირნერი ოჭკომალს, ოშუმალს დო სქესობურ რსხუს ივარენა. ხანერეფი, ლეხეფი, შარას მარენჯი ადამიერეფი დო უხენი ოსურეფს ნება უღჷნა თე ბორჯის ხონება ვაჩუანინ, მორო წანმოწანაშ შხვა ბორჯის მუსლიმეფქ თე პიჩვანი ოკო დოთხილუან, დალახაბურეფს, ნამუეფშოთ შურო ვაშილებე ხონებან (შქირენი), შეულებჷნა შხვა მახონეს ქოჩან ოჭკომალი დო თეთ გაგჷშეჸიდანჷ. თენა ხონებაშ ჩუალაშ მანგი რე ისლამს. ბაღანეფი ხონებაშ დო ნამაზიშ ხვამას თარო გჷნმატახუ ხანს იჭყანა, მორო ხონებას მიარე ორდოშია ხანს იჭყანს, რელიგიაშ მეჯინათ ხვამაშ დოჭყაფა ოკორინე რე 7 წანაშ უკული დო თექ ირიათო ოკო იგჷნძარას, დღაშ გოძვენას ხუთშა ხვამათ. ხონება გურიშხონარენს: ყურებას, დუდდაბალობას დო შურიელი თინჩალას. თე ბორჯი რე მენძღვიებული ღორონთიშ ოჰამეთ. თე ბორჯის რჩქვანელობურშე უმოსო იკითხირუ ხვამა. ხონებაშ ბორჯის უციო რე მუსლიმქ ქითხუას მოჭყოლოფა (ცოდა გემკინწყას) ღორონთშე, იხვამას თინი რზაშ ოგორალო დო ირნერი ოჩილთაფეშე ოთხილარო.
ჯოხო რამადანი, მაჩხორა თუთაშ ჯოხოდვალა ისლამიშ რელიგიათ გჷმოქიმინუაშახ მიარე წანაშ კინოხ გმიქიმინუ არაბულ კულტურას. თიშ ჯოხო მოურს (ირთუ) არაბული ნერჩიშ — რმდ (მოგვენი „რამიდა“, ვარდა „არ-რამად“) გაჩარქებაშ ოსხირაშა დო კუნტა შანულობათ.
Hilāl რე ასტრონომიულო ახალი თუთაშ გეჸვენჯი დღა. სოიშახ ახალი თუთაშ ახალი თუთა მუკორჩქინდუნ მუსლიმს შეულებუ რჩქვანელობურო გეგმოკოროცხას რამადანიშ დოჭყაფაშ დღა. ირ წანას რე არზის შხვადოშხვარობა, მუჭო ვარდა მუჟამს იჭყაფუ რამადანი. ტრადიციული წჷმოქიმინუაშ მეჯინათ — ადამიერს დიხაუჩაშ სააწმარენჯოჸურე ჸოფური ქიანეფშე უანჯარე თოკით უძირუდუკო ოკო გოფშა თუთა. დიდი ხანი ვა რე კანაკლე მუსლიმი მინჭაფუ გჷმირინუას ასტრონომიული გჷმოკოროცხუეფი სითინაშ დადგინალო.
