რობერტ მუზილი
| რობერტ მუზილი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
პირელი 15, 1942 (61 წანერი) |
| ღურაშ აბანი: | |
| ერუანობა: | |
| საქვარუა: | |
| პერიოდი : |
1905–1942 |
| Magnum opus: | |
| ნინა: | |
| ჯილდოეფი: |
|
|
| |
რობერტ მუზილი (გერმ. Robert Musil; დ. 6 გერგობათუთა, 1880, კლაგენფურტი, ავსტრია-უნგრეთიშ იმპერია — ღ. 15 პირელი, 1942, ჟენევა, შვეიცარია) — ავსტრიალი ჭარუ, ნოველისტი დო დრამატურგი. თიში არძაშე უმოსო პოპულარული ნახანდი რე რომანი "კოჩი რჯებეფიშ უმუშო", ნამუშ თებაქჷთ ვაჭიშუ. ჸათე რომანი მერჩქინელი რე ართ-ართ გოლინიან დო შანულამ მოდერნისტულ ნაწარმებო. რომანს ფშხირას მიშინუანა მუჭოთ "იდეეფიშ თხობელუას". სიუჟეტი ივითარებჷ ავსტრია-უნგრეთიშ მონარქიაშ ეკონია დღალეფიშ გოძვენას. მუზილიშ შხვა ნახანდეფიშე ეიოშინალი რე: ოდებიუტე რომანი "ახალნორდი ტერლესი", კათელი "სუმი ოსური", პიესეფი "ენთუზიასტეფი", "ვინცენცი დო შანულამი კოჩეფიშ ჸოროფილი" დო შხვა.
რობერტ მუზილიქ დებადჷ ნოღა კლაგენფურტის. გურაფულენდჷ ოურდუმე აკადემიას. უკულიანი პერიოდის მექანიკური ინჟინერიათ დეინტერესჷ დო გემშართჷ ბრნოშ ტექნიკური უნივერსიტეტიშა. უკულ გურაფა გაგინძორჷ ბერლინიშ უნივერსიტეტის, სოდეთ ფილოსოფიას დო ფსიქოლოგიას გურაფულენდჷ. ოდოქტორე დისერტაცია თხილუ 1909 წანას. მუშენდჷ ვენაშ ტექნიკურ უნივერსიტეტის. მონაწილენდჷ მაართა მოსოფელიშ ლჷმას. 1920-წანეფიშე ბერლინს ცხოვრენდჷ. თარობაშ ნაცისტეფიშ მულაშ უკულ, მუზილიქ ოცხოვრებშა შვეიცარიაშა გეგნორთჷ, სოდეთ დოღურჷ 1942 წანაშ 15 პირელს, 61 წანერქ.
მუზილიშ ღურაშ უკულ, თიში ნაჭარეფი გიჭყოლიდეს. თიში ნაწარმებეფით კინ დეინტერესეს 1950-იან წანეფიშე. ექსპერტეფქ დეინტერესეს მუზილიშ რომანეფიშ ფილოსოფიური ასპექტეფით ხოლო. მუზილიშ ნახანდეფს პოზიტიურო უჯინედეს დო აფასენდეს მილან კუნდერა, თომას ბერნჰარდი დო უკულიანი პერიოდიშ შხვა გიშარჩქინელი ავტორეფი.
რესურსეფი ინტერნეტის[რედაქტირაფა | წყუშ რედაქტირაფა]
- რობერტ მუზილი ენციკლოპედია ბრიტანიკას
- რობერტ მუზილიშ ლიტერატურული მუზეუმი
- რობერტ მუზილი - ნახანდეფი პროექტ „გუტენბერგის“
- რობერტ მუზილიშ ნახანდეფი Faded Page-ის
- ნახანდეფი LibriVox-ის (აუდიოწინგეფიშ ოჯარალე დომეინი)
- რობერტ მუზილიშ ფილოსოფია