სანკურუშ პროვინცია

ვიკიპედიაშე
სანკურუშ პროვინცია
ფრანგ. Sankuru
ქიანა კონგოშ დემოკრატიული რესპუბლიკაშ შილა კონგოშ დემოკრატიული რესპუბლიკა
სტატუსი პროვინცია
მიშმურს 6 ტერიტორია
ადმინ. ცენტრი ლოჯა
მახორობა (2005)
1 374 239 (22 აბანი)
მეჭედალა 13,17 კოჩი/კმ²
ფართობი 104 331 კმ² (10 აბანი)
სანკურუშ პროვინცია რუკას
ბორჯიშ ორტყაფუ UTC+1
კოდი ISO 3166-2 CD-SN

სანკურუშ პროვინცია (ფრანგ. Sankuru) — კონგოშ დემოკრატიული რესპუბლიკაშ პროვინცია, ნამუთ ქიანაშ ცენტრის იდვალუაფუ.

გეოგრაფია[რედაქტირაფა | წყუშ რედაქტირაფა]

2005 წანაშ საკონსტიტუციო რეფორმაშახ სანკურუშ პროვინცია რდჷ ჸოფილი ბჟაეიოლი კასაიშ პროვინციაშ ნორთი. ადმინისტრაციული ცენტრი — ნოღა ლოჯა. პროვინციაშ ტერიტორიას მეულა წყარმალუეფი სანკურუ, ლომამი, ლუბეფუ დო ლუკენიე.

ფლორა დო ფაუნა[რედაქტირაფა | წყუშ რედაქტირაფა]

პროვინციაშო დჷმახასიათაფალი რე ტყალეფი, ქვერჩხონეფი დო სავანეფი. რე ანდამუდანობაშ გვალეფი დო ლეხერეფი.

პროვინციას ხე ჩხოლარეფიშ შხვადოშხვა გვარობეფი, მუჭომით რე ნჯილოეფი, ზებრეფი, ანტილოპეფი, კუდუეფი, ბეჰემოთეფი, ტროპიკული გვერეფიშ, ნიანგეფიშ, კუეფიშ შხვადოშხვა გვარობეფი, ანდა შხვადოშხვა ჩხომი დო ფურინჯი, თაშნეშე ქიეფი, თინეფს შქას შიმპანზე.

მახორობა[რედაქტირაფა | წყუშ რედაქტირაფა]

პროვინციაშ მახორობა — 1 374 239 ადამიერი (2005 წანა)[1].

ადმინისტრაციული დორთუალა[რედაქტირაფა | წყუშ რედაქტირაფა]

პროვინცია დორთილი რე 6 ტერიტორიათ:

ეკონომიკა[რედაქტირაფა | წყუშ რედაქტირაფა]

პროვინციაშ ეკონომიკაშ ოსხირი რე ოფუტეშ მეურნობა. პროვინციას მოჸუნა ორზა, ბანანი, ანანასი, კარტოფილი, ჭაშანქარი, სორგო დო შხვადოშხვა აბანობური ობუტე-ომეურნე პროდუქტეფი.

პროვინციას რე ალმასიშ, კასიტერიტიშ დო შხვა მორგე დინოხურიშიშ ობადეშეფი. ხერეჭუა დაღარას რე გოვითარაფილი, თენა თარო ჯაშ გჷნმამუშებელი საწარმეეფი, ჩხომჭოფუა დო აბანობური მოხვარაშ ანგურაშ წარმება რე. პროვინციაშ გოვითარაფას კაბეტი პრობლემა რე გოვითარაფილი ორზალე რშვილიშ, ელექტროზირუაშ დო შხვა ინფრასტრუქტურეფიშ ვაჸოფურალა.

გონათუა[რედაქტირაფა | წყუშ რედაქტირაფა]

პროვინციას ანდა დაჭყაფური დო ოშქაშე სკოლეფი რე. სკოლეფი თარო აკოქიმინელჷ რე კათოლიკური, პროტესტანტული ვარ-და მეთოდისტური ოხვამეეფიშით. თეშ უმკუჯინალო, კონგოშ დემოკრატიული რესპუბლიკაშ ხემანჯღვერალა გონათუაშ დეპარტამენტიშ მეშქაშალათ თაშნეშე გჷთმონწყუნს ახალ სკოლეფს.

სანკურუშ პროვინციას რე მუსხირენი უნივერსიტეტი: პატრაშ ლუმუმბაშ უნივერსიტეტი კამპუსეფით ნოღა ლოჯას დო Tshume-Ste-Marie-ს, წიმინდე ანაშ უნივერსიტეტი კამპუსეფით Tshume-Ste-Marie-ს დო ლუსამბოს. პროვინციას თაშნეშე მუსხირენი კოლეჯი რე.

სქოლიო[რედაქტირაფა | წყუშ რედაქტირაფა]

  1. Provinces of the Democratic Republic of Congo (Congo Kinshasa). დოარქივაფილი რე ორიგინალშე 2012-03-21-ს. კითხირიშ თარიღი: 2011-05-27.