სენტ-კლერი (ტობა)
სენტ-კლერი (ინგლ. Lake St. Clair, ფრანგ. Lac Sainte-Claire) რე ტობა, ნამუთ იდვალუაფჷ კანადაშ პროვინცია ონტარიოს დო ააშ-იშ მიჩიგანიშ შტატის. ტობას ჯოხო გიოდვეს იტალიარი კათოლიკე მარკვიებელეფქ, 1679 წანას. ტობა კათოლიკე წიმინდე კლარა ასიზარიშ ჯოხონობაშ რე.
სენტ-კლერიშ ტობა დიდი ტობეფიშ სისტემაშ ნორთი რე დო თინა სენტ-კლერიშ წყარმალუთ დო დეტროიტიშ წყარმალუთ, ჰურონიშ ტობას (ოორუშე) მითმიორსხუანს ერიშ ტობას (ობჟათეშე).
სენტ-კლერიშ ტობა იდვალუაფჷ დეტროიტიშ ცენტრიშე 10 კმ.-იშ მაშორას. ტობაშ ფართობი 1,114 კვ.კმ. რე, მაქსიმალური სიგინძა 42 კმ. დო მაქსიმალური სიგანა 39 კმ. ტობაშ მაქსიმალური სიტომბა 8 მ. რე. ტობას ბრელი კოკი რე. უდიდაშ კოკეფიე: გალი, ჰარსენსი, სთრობერი, ფენტეზი დო პეჩი. ტობას ინაკათუ წყარმალუეფი: სენტ-კლერი, თემსა, სიდენჰამი, კლინტონი, პაინი. ტობაშე გიშმურს წყარმალუ დეტროიტი. სენტ-კლერიშ ტობას ბრელი იახტ-კლუბი რე.
რესურსეფი ინტერნეტის[რედაქტირაფა | წყუშ რედაქტირაფა]
- Description of Bathymetry of Lake Erie & Lake St. Clair, NGDC
- Poster showing Bathymetry of Lake Erie & Lake St. Clair
- National Data Buoy Center page for Lake St. Clair station LSCM4 Current weather conditions from NOAA