სიდიდა

ვიკიპედიაშე

სიდიდა რე ართ-ართი ჯინჯიერი მათემატიკური ცნება, მუდგაშ შანულობა მათემატიკაშ გოვითარაფაწკჷმა ართო წისაფულენდჷ განზოგადებას.

დიო ხოლო ევკლიდეშ „დოჭყაფუეფს“ რდჷ არგამას დორსხილ მუშებეფი თი სიდიდარეფიშ, ნამუეფსუთ თეჟამს შხვა განზოგადებაშე გინორთათ, დადებით სკალარულ სიდიდარეფს უძახუნა. სიდიდაშ თე პირველდაჭყაფუ ცნება რე უოშქარე განზოგადება უმოსი კონკრეტული ცნებეფიშ: სიგირძაშ, ფართობიშ, გოჸეშ დო ა.უ.

უმოსი ზოგადი გაგებათ, სიდიდას უძახუნა თაშნეშე ვექტორს, ტენზორს დო შხვა ვასკალარულ სიდიდარეფს. ათეშნერი სიდიდარეფი შილებე აკობკოროფათ, მარა თინეფშო არზის ოდინუანს უნჩაფალაშ (უტოლობა) მეწურაფა.