ნოღა
| შილა
|
გერბი
|
|
|
|
სიდნეი (ინგლ. Sydney გჷმირაგადუ [ˈsɪdni][1]) — ავსტრალიაშ არძაშე დიდი ნოღა. თიში ფართობი 12 144,6 კმ²-ია[2], მახორობაშ მუდანობა - 2011 წანაშ ეჭარუათ აკმადგინადჷ 4 391 674 ადამიერს[3]. ნოღა დარსხუ 1788 წანას არტურ ფილიპიქ, ნამუქჷთ თაქ მორთუ მაართა ფლოტიშ (ინგლ. First Fleet) ხემანჯღვერობათ დო თინა ავსტრალიას მაართა ევროპული კოლონიალური ოხორუეშ აბანი რე[4]. ნოღას, ბრიტანეთიშ თიმბორჯიანი კოლონიეფიშ მინისტრიშ, ლორდ სიდნეიშ ჯოხოქ გიადჷ. ნოღა ახალი ობჟათე უელსიშ ნანანოღა რე. თინა ქიანაშ უშხუაში სავაჭარო, საფინანსო დო ეკონომიკური ცენტრი რე. ნოღას იდვალუაფუ 90-შე უმოსი ბანკი დო 400-შე უმოსი საირქიანო კომპანიაშ აბანური ფილიალი.
