სოლონი

სოლონი
	სოლონი
	ბერძ. Σόλων
	; სოლონიშ ბიუსტი
მოღალობა	სახენწჷფო მოღალე, კანონმადვალუ, პოლიტიკაშ ფილოსოფოსი, პოეტი
	ბიოგრაფიული ჩინებეფი
დაბადებაშ თარიღი	დოხოლაფირო ჯვ. წ. 630
დაბადებაშ აბანი	ათენი
ღურაშ თარიღი	დოხოლაფირო ჯვ. წ. 560 (70 წანერი)
ღურაშ აბანი	კვიპროსი
მენოღალობა	ათენი
	;

სოლონი (ბერძ. Σόλων, დ. დოხოლაფირო ჯვ. წ. 630 — ღ. დოხოლაფირო ჯვ. წ. 560) — ათენარი სახენწჷფო მოღალე, კანონმადვალუ, პოლიტიკაშ ფილოსოფოსი დო პოეტი, საბერძნეთიშ შკვითი ბრძენიშე ართ-ართი რე, მერჩქინელიე ათენური დემოკრატიაშ დუმარსხუაფალო.

სოლონი დაბადებე ათენს, დოხოლაფირო ჯვ. წ. 630 წანას, ევპატრიდეფიშ ფანიას. ახალნორდობაშე თის დუდი გიმურჩქინუ მუჭოთ შანულამი მანჯღვერთარს. ათენიშ დო მეგარაშ ლჷმეფიშ ბორჯის, სოლინი გეგშუგორუნა ათენარეფიშ ჯარეფიშ ხემანჯღვერო. სოლონიშ ტაქტიკათ ათენარეფს მეგარალეფიშა ურჯგინუნა. კოფლიქტიშ პერიოდის, სოლონქ დოჭარუ ნაციონალისტური ხასიათიშ ლერსი, ნამუქჷთ არმიაშ მორალიშო კაბეტი გოლინა იღვენუ.

დიოგენე ლაერტალი ჭარუნს ნამდა, ჯვ.წ. 594 წანას, სოლონი გეგშუგორუნა არქონტო - თარი მაგისტრატო. რეფორმეფიშ დო ახალი კანონეფიშ მიშაღალაშ უკულ, სოლონიქ ხეშულუბა დათმჷ დო დოხოლაფირო ვითი წანაშ გოძვენას შარალენდჷ. ჸოფე ეგვიპტეს, სოდეთ თინა ეგვიპტეშ ფარაონს იაჰმეს II-ს შეხვალამუ. სოლონი ჸოფე ლიდიას ხოლო. ჸათაქ თინა მეუღებჷ მაფა კრეზის.

სოლონიშ კანონეფი უმოსო უხუჯანდჷ დაბალი სოციალური ფენას, დემოსის. თიქ აკრძალჷ ვალიშ გურშენ ბერძენიშ ჭკორო გიმოჩამა, გადუდიშულჷ ვალეფიშ გურშენ ჭკორო გიმოჩამილეფი, გაუქვჷ კონწარული კანონეფი, ათენიშ მენოღალეეფი ქონებაშ მეჯინათ ოთხი კლასო დორთუ, დინდარეფს უმოს მეტი ნებეფი ქიმეჩჷ.

ლიტერატურა[რედაქტირაფა | წყუშ რედაქტირაფა]

Lewis, John. 2006. Solon the Thinker: Political Thought in Archaic Athens. London: Duckworth.
Owens, Ron. 2010. Solon of Athens: Poet, Philosopher, Soldier, Statesman. Brighton, UK: Sussex Academic.