სპერმა

ადამიერიშ სპერმატოზოიდეფი

სპერმა, მარგალურო: თასი (ბერძენ. spérma — თასი; თაშნეშე ეიაკულატი) — ქომოლი ინდივიდეფიშით სქესობური აქტიშ ბორჯიშ გჷმულირი ქვანთი, ფერო მოშქირე-მორჩე, მოლანდღვე, ზისქე, დაღარი ტუტე რეაქცია უღუ. აკმოდირთჷ სპერმატოზოიდეფიშ დო ოთასე ქვანთიშე — ქომოლი ოსქესე რზეფწკჷმა მერსხილი ჯარკვალეფიშ სეკრეტიშე. სპერმაშ გოჭყაფა იჭყაფჷ სქესობური მოწიფუაშ პერიოდის, მაქსიმუმს მიოჭირინუანს მოწიფუაშ ხანს დო ორჩინუეშის რკებულენს. სპერმაშ გჷმაჸოფიარაფალი ღვენუ დოჸუნს სპერმატოზოიდეფიშ მუდანობას დო ხარისხის. სპერმას სპერმატოზოდეფიშ მუდანობა ძალამ მათირუ რე დო დოჸუნს ოსქესე ჯარკვალეფიშ დო ედომუშამი ორგანიზმიშ ფიზიოლოგიურ დგომარაფას. უგაგაჩე ჩხოლარეფიშ უმენტაშობას დო კანკალე გაგაჩამს სპერმა სეზონურო გჷმემუშებჷ. ირი სქესობური აქტიშ ბორჯის გჷმულირი სპერმაშ ნტირა გინორთელი რე: ადამიერი — 2-6 მლ, ხოჯი ოშქაშეთ 4-5 მლ, ვარყა — 60-100 მლ, კეში — 250 მლ-მდე, შხური — 1-1,5 მლ. ორგანიზმიშ კანკალე პათოლოგიური დგომარაფაშის სპერმა ვარ-და ვეკათუანს სპერმატოზოიდეფს (აზოოსპერმია), ვარ-და ნარკი მუდანობათ იკათუანს (ოლიგოსპერმია) დო შხვა.