სპირო აგნიუ
| სპირო აგნიუ Spiro Agnew | ||
 ოფიციალური პორტრეტი, 1972 წ. | ||
| ააშ-იშ 39-ა ვიცე-პრეზიდენტი | ||
|---|---|---|
| პოსტის გერინაშ ბორჯი | ||
| 20 ღურთუთა, 1969 – 10 გჷმათუთა, 1973 | ||
| პრეზიდენტი | რიჩარდ ნიქსონი | |
| წიმოხონი | ჰუბერტ ჰამფრი | |
| მონძე | ჯერალდ ფორდი | |
| პოსტის გერინაშ ბორჯი | ||
| 25 ღურთუთა, 1967 – 7 ღურთუთა, 1969 | ||
| წიმოხონი | ჯონ ტოისი | |
| მონძე | მარვინ მანდელი | |
| დუნაბადი | 9 გერგობათუთა, 1918 ბალტიმორი, მერილენდი, ააშ | |
| ნაღურა | ეკენია 17, 1996 (77 წანერი) ბერლინი, მერილენდი, ააშ | |
| მენოღალობა |  ააშ | |
| ერუანობა | ამერიკალი | |
| პოლიტიკური პარტია | რესპუბლიკური პარტია | |
| ალმასქუ | ჯუდი ჯუდეფინდი | |
| სქუალეფი | 4 | |
| გონათაფა | ჯონს ჰოპკინსიშ უნივერსიტეტი ბალტიმორიშ უნივერსიტეტი | |
| ხეშმოჭარუა |  | |
სპირო თეოდორ აგნიუ (ინგლ. Spiro Theodore Agnew, დ. 9 გერგობათუთა, 1918 — ღ. 17 ეკენია, 1996) — ამერიკალი პოლიტიკოსი, ააშ-იშ ვიცე-პრეზიდენტი რიჩარდ ნიქსონიშ ადმინისტრაციას, 1969-1973 წანეფს.
დებადჷ მერილენდიშ ნოღა ბალტიმორს, ბერძენი იმიგრანტეფიშ ფანიას. გურაფულენდჷ ჯონს ჰოპკინსიშ დო ბალტიმორიშ უნივერსიტეტეფს. 1966 წანას აგნიუ გიშაგორილქ იჸუ მერილენდიშ შტატიშ გუბერნატორო. 1968 წანას რიჩარდ ნიქსონქ აგნიუ ქიდეკინჷ ვიცე-პრეზიდენტობაშ კანდიდატო. აგნიუშ პოლიტიკა იხასიათებუდჷ ცენტრისტული მერინათ, ნამუთ ნიქსონს მოწონდჷ. ნიქსონიშ საპრეზიდენტო კამპანიაშ ბორჯის, აგნიუქ პოპულარობა მიპალუ მუში რიტორიკული დო ორატორული ნიჭით. ნიქსონქ დო აგნიუქ დამარცხეს დემოკრატეფიშ კანდიდატი დო მოქიმინჯე ვიცე-პრეზიდენტი ჰუბერტ ჰამფრი.
ვიცე-პრეზიდენტობაშ ბორჯის აგნიუქ უმოსო მემარძგვანე პოზიცია ქიდეკინჷ. 1972 წანაშ საპრეზიდენტო გიშაგორუეფს კინ ნიქსონქ გემორძგუ. ჸათე ბორჯიშო ნიქსონქ ორჯგინჷ დემოკრატეფიშ კანდიდატის, სენატორ ჯორჯ მაკგოვერნის. მალას, 1973 წანაშე ამერიკაშ გენერალური პროკურატურაქ ქიდიჭყჷ გჷმორკვიებეფი აგნიუშ მეხჷ. საქმე ორხველუდჷ რთამიშ ეჭოფუას დო ოგაფურეფიშე დუდიშ არიდაფას. აგნიუ დჷმაშებულო დუს ვაჩინებულენდჷ. მარა 1973 წანაშ 10 გჷმათუთას თიქ ვიცე-პრეზიდენტიშ პოსტიშე გეგნოდირთჷ. უკულიანი პერიოდეფს ჭარალუათ დეინტერესჷ. გჷმაბჟინუ ართი რომანი დო მემუარეფი, სოდეთ თინა მუში საქვარეფიშ გამართებას ოცადუდჷ. სპირო აგნიუქ ღურუ 1996 წანაშ 17 ეკენიას, 77 წანერქ, ლეიკემიათ.