უილიამ ლასელი

ვიკიპედიაშე
უილიამ ლასელი
ინგლ. William Lassell
დაბადებაშ თარიღი:

18 მანგი, 1799

დაბადებაშ აბანი:

ბოლტონი, ინგლისი

ღურაშ თარიღი:

გჷმათუთა 5, 1880 (81 წანერი)

ღურაშ აბანი:

მეიდენჰედი, ინგლისი

მენოღალობა:

გოართოიანაფილი ომაფეშ შილა გოართოიანაფილი ომაფე

ომენცარე სფერო:

ასტრონომია

ალმა-მატერი:

როჩდეილიშ აკადემია

ჯილდოეფი დო პრემიეფი:

ასტრონომიაშ ომაფე ჯარალუაშ ორქოშ მენდალი (1849)
ომაფე ჯარალუაშ მაკათური (1849)
ომაფე მენდალი (1858)

უილიამ ლასელი (ინგლ. William Lassell; დ. 18 მანგი, 1799, ბოლტონი, ინგლისი — ღ. 5 გჷმათუთა, 1880, მეიდენჰედი, ინგლისი) — ინგლისარი ასტრონომი.

უილიამ ლასელი გურაფულენდჷ ბოლტონიშ დო როჩდეილიშ აკადემიეფს. მუმაშ ღურაშ უკულ, 1814-1821 წანეფს ლივერპულს მუშენდჷ. უკულიან წანეფს ასტრონომიათ დეინტერესჷ დო ეიოგჷ მუში კერზო ობსერვატორია. 1846 წანას ლასელიქ მიოგორუ ტრიტონს, პლანეტა ნეპტუნიშ უდიდაშ ალმაშარეს, 1848 წანას მარსქულიშ ალმაშარე ჰიპერიონს, 1851 წანას ურანიშ ალმაშარეეფს: არიელს დო უმბრიელს.

1855 წანას ეიოგჷ 1,200 მმ.-იანი ტელესკოპი მალტას. უკულიან პერიოდეფს კინ ინგლისიშა დირთჷ დო ასტრონომიული რკვიებეფი მეიდენჰედის გაგინძორჷ. 1880-იან წანეფს ლასელიშ ტელესკოპეფი გრინვიჩიშ ომაფე ობსერვატორიაშა გეგნიღეს.

უილიამ ლასელი რდჷ ასტრონომიაშ ომაფე ჯარალუაშ, ლონდონიშ ომაფე ჯარალუაშ, ედინბურგიშ ომაფე ჯარალუაშ დო ლიტერატურაშ ომაფე ჯარალუაშ მაკათური. 1839 წანას ლასელიქ მიპალუ ასტრონომიაშ ომაფე ჯარალუაშ ორქოშ მენდალი დო 1858 წანას ომაფე მენდალი.

ლასელიშ ჯოხონობაშ რე ართ-ართი კრატერი თუთას დო ართი ასტეროიდი. თაშნეშე, თიში ჯოხონობაშ რე პლანეტა ნეპტუნიშ ართ-ართი რულე.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: