ფერდინანდ კონი
| ფერდინანდ კონი | |
| გერმ. Ferdinand Cohn | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მანგი 25, 1898 (70 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
ლევენჰუკიშ მენდალი (1885) |
.svg){kind=small}
ფერდინანდ იულიუს კონი (გერმ. Ferdinand Julius Cohn; დ. 24 ღურთუთა, 1828, ბრესლაუ, პრუსიაშ ომაფე — ღ. 25 მანგი, 1898, ბრესლაუ, პრუსიაშ ომაფე) — გერმანალი ბიოლოგი, მერჩქინელი რე ბაქტერიოლოგიაშ დო მიკრობიოლოგიაშ ართ-ართ დუმარსხუაფალო.
დებადჷ ნოღა ბრესლაუს, ურიეფიშ ფანიას. 16 წანერი რდუნ თეშ გემშართჷ ბრესლაუშ უნივერსიტეტიშა, სოდეთ გურაფულენდჷ ბოტანიკას, ჰენრიხ გეპერტიშ ხემანჯღვერობათ. კონიქ უკულ გურაფა გაგინძორჷ ბერლინიშ უნივერსიტეტის, სოდეთ მიპალუ ომენცარე ხარისხი ბოტანიკას 1847 წანას. კონიქ 1849 წანას ბრესლაუშ უნივერსიტეტიშა დირთჷ, სოდეთ მუში მენცარული კარიერაშ გოძვენას მუშენდჷ მაგურაფალო დო მარკვიებელო. კონიქ მიკროსკოპით გიმირკვიუ ჩანარეფიშ თოლეფიშ რდალა დო გორთუალა. 1860-1870-იან წანეფიშე უმოსო ირკვიენდჷ ბაქტერიეფს. კონიშ კონტრიბუციათ ბრესლაუშ უნივერსიტეტიქ გინირთჷ ჩანარეფიშ ფიზიოლოგიაშ დო მიკრობიოლოგიაშ ართ-ართ ინოვაციურ ცენტრო.
ფერდინანდ კონი რდჷ მაართა მენცარი, ნამუქჷთ აკეთჷ წყარჩანარეფიშ მუჭოთ ჩანარეფიშ კლასიფიკაცია დო თინეფიშ (წყარჩანარეფიშ) გუმორთუალა წვანე ჩანარეფიშე. კონიქ ბაქტერიეფი ფორმაშ მეჯინათ, დორთუ ოთხი ტიპო. ბაქტერიეფიშ ჸათე კლასიფიკაცია ასე ხოლო გიმირინუაფჷ. ფერდინანდ კონი რე დოხოლაფირო 150 პუბლიკაციაშ ავტორი.
ფერდინანდ კონიქ 1885 წანას მიპალუ ლევენჰუკიშ მენდალი დო 1896 წანას ლინეშ მენდალი. 1897 წანაშე რდჷ ლონდონიშ ომაფე ჯარალუაშ ურცხოალი მაკათური.
რესურსეფი ინტერნეტის
[რედაქტირაფა | წყუშ რედაქტირაფა]- ფერდინანდ კონი ურიული ენციკლოპედიას
- ფერდინანდ კონი მოსოფელიშ ბიოგრაფიული ენციკლოპედიას