ნოღა
| შილა
|
გერბი
|
|
|
|
ფლორენცია (იტალ. Firenze, ჯვ. იტალ. Fiorenza, ლათ. Florentia) — ნოღა იტალიას, ტოსკანაშ რეგიონიშ დო ფლორენციაშ პროვინციაშ ადმინისტრაციული ცენტრი. ნოღა რეგიონიშ არძაშე დოხორელი ნოღა რე 367,150 მახორუთ (1 500 000 შემოგარენის ჩათვლით).
ნოღა იდვალუაფუ წყარმალუ არნოშ მანგას, დინდარი რე მუში ისტორიათ. ფლორენცია უშანულამაში ნოღა რდჷ შქა ოშწანურეფს დო რენესანსიშ ეპოქას, გიშაკერზაფილო არქიტექტურათ დო ხელუანობათ. შქა ოშწანურეეფიშ ფლორენცია ვაჭარუაშ დო ფინანსური ცენტრი რდჷ. დიო ხოლო მა-13 ოშწანურას დალიას, გორჩქინელ მენმოღალეეფიშ დო ვაჭარეფიშ ფენაქ ოგინაფეთ ფურკჷ ფეოდალეფიშ პრივილეგიეფი.
ფლორენცია შხირას მიარზებუ იტალიური რენესანსიშ არკვანო. თიშა შქა ოშწანურეფიშ ათენჷთ უჯოხონა. მედიჩეფიშ მართუალაშ პერიოდის, ხანგჷნძეთ დე-ფაქტო ზოხორონალათ უღუდჷ. 1865-შე 1870-შა — იტალიაშ ომაფეშ ნანანოღათ რდჷ.
ნოღა მილიონობათ ტურისტის მიკმინჭანს დო 1982 წანას გეგმიცხადჷ მოსოფელიშ კულტურულ მონძალათ. ფლორენცია ჩინებული რე მუჭოთ მოსოფელიშ ართ-ართი ნოღა, ნამუქჷთ გულა იღვენუ მოდოფელს კულტურული დო ისტორიული თვალწონუათ. ფლორენცია რე საუჯგუშოთ ასქილადირი რენესანსული ნოღა მოსოფელს დო ბრელ თის იტალიაშ კულტურულ ნანანოღათ მირჩქინანს. ნოღა თაშნეშე ანდა ისტორიული პიჯიშ ოდაბადე რე. სამსნგათ: დანტე ალიგიერი, ბოკაჩო, ბოტიჩელი, ჩეზარო პეტრარკა, ლეონარდო და ვინჩი, კოზიმო დე მედიჩი, ლორენცო დე მედიჩი, რაფაელი, ნიკოლა ფლამელი, ნიკოლო მაკიაველი, მიქელანჯელო, დონატელო, გალილეო გალილეი, ეკატერინე მედიჩი, რობერტო კავალი დო თაშ უკული.
