ფრედერიკ მისტრალი
| ფრედერიკ მისტრალი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 25, 1914 (83 წანერი) |
| ღურაშ აბანი: |
მაიანი, საფრანგეთი |
| ერუანობა: | |
| საქვარუა: | |
| Magnum opus: |
Mirèio (Mireille) |
| ჟანრი: | |
| ნინა: | |
| ჯილდოეფი: |
ნობელიშ პრემია ლიტერატურას (1904) |
|
| |
ფრედერიკ მისტრალი (ოქს. Frederic Mistral/Mistrau; ფრანგ. Frédéric Mistral; დ. 8 ეკენია, 1830, მაიანი, საფრანგეთი — ღ. 25 მელახი, 1914, მაიანი, საფრანგეთი) — ფრანგი პოეტი დო ლექსიკოგრაფი, ნობელიშ პრემიაშ ლაურეატი ლიტერატურაშ დარგის (1904), მარსელიშ მენცარული აკადემიაშ მაკათური დო ლიტერატურული დო კულტურული ასოციაციაშ Félibrige-შ (ფელიბრეფი) დუმარსხუაფალი. ჭარუნდჷ ოქსიტანურ ნინაშა.
ბიოგრაფია
[რედაქტირაფა | წყუშ რედაქტირაფა]ფრედერიკ მისტრალქ დებადჷ 1830 წანაშ 8 ეკენიას, ოფუტე მაიანის, ბუშ-დიუ-რონიშ დეპარტამენტის, ობჟათე საფრანგეთის, ფერმერეფიშ ფანიას. გურაფულენდჷ ნიმიშ ოგურაფუს, სოდეთ მიპალუ ბაკალავრიშ ხარისხი. 1848-1851 წანეფს გურაფულენდჷ იურისპრუდენციას ექს-ან-პროვანსის. 1854 წანას ფრედერიკ მისტრალქ დარსხუ ლიტერატურული დო კოლტურული ასოციაცია Félibrige, ნამუშით პრიორიტეტი რდჷ ოქსიტანურ ნინაშ პოპულარიზაცია. ორგანიზაცია ამდღარშახ არსებენს. მისტრალი რე ავტორი შხვადოშხვა პოემეფიშ დო ლერსეფიშ. რდჷ ოქსიტანურ ნინაშ ლექსიკონიშ ავტორი ხოლო. ლექსიკონშა მიშულირი რე ოქსიტანურ ნინაშ არძა დიალექტი. მისტრალიშ არძოშე უმოსო შინელ პოემა რე Mirèio (Mireille), გიშაშქუმალირ 1859 წანას. პოემა ვინსენტიშ დო მირეიშ ჸოროფაშ ისტორია რე. პოემა თანგილი რე ევროპაშ 15 ნინაშა. პოემა ფრანგულ ნინაშა მუქ, ავტორქ, ფრედერიკ მისტრალქ გინოთანგჷ. 1863 წანას კომპოზიტორ შარლ გუნოქ ჭარუ ოპერა Mireille, ნამუთ მისტრალიშ პოემას რე გერსხილი. 1899 წანას მისტრალქ ქუდარსხუ პროვანსიშ ეთნოგრაფიული მუზეუმი, ნოღა არლის. 1904 წანას ფრედერიკ მისტრალს გინოჩეს ნობელიშ პრემია ლიტერატურაშ დარგის. ფრედერიკ მისტრალიშ ოსური რდჷ ბურგუნდიალი მარი-ლუიზ რივიერი (1857–1943). სკუა ვაჸუნდეს. მისტრალქ ღურუ 1914 წანაშ 25 მელახის.
ნაჭარეფი
[რედაქტირაფა | წყუშ რედაქტირაფა]- Mirèio (1859) - PDF (in Provençal)
- Calendau (1867) - online
- Lis Isclo d’or (1875) - en ligne : part I, part II
- Nerto, თხობელუა (1884) - online
- La Rèino Jano, დრამა (1890) - en ligne
- Lou Pouèmo dóu Rose (1897) - online
- Moun espelido, Memòri e Raconte (Mes mémoires) (1906) - online
- Discours e dicho (1906) - online
- La Genèsi, traducho en prouvençau (1910) - online
- Lis óulivado (1912) - online
- Lou Tresor dóu Felibrige ou Dictionnaire provençal-français embrassant les divers dialectes de la langue d'oc moderne (1878–1886) - online
- Proso d’Armana (1926, 1927, 1930) - online
- Coupo Santo (1867)
ლიტერატურა
[რედაქტირაფა | წყუშ რედაქტირაფა]- Mistral, Frédéric (1907). მისტრალიშ მემუარეფი. London: Edward Arnold.
რესურსეფი ინტერნეტის
[რედაქტირაფა | წყუშ რედაქტირაფა]
- Frédéric Mistral - ნახანდეფი პროექტ „გუტენბერგის“
- ნახანდეფიშ ერკებული
- ფრედერიკ მისტრალიშ ბიოგრაფია
- ფრედერიკ მისტრალიშ რინა - NotreProvence.fr Archived 2009-12-13 ვებ-ხასჷლას Wayback Machine.
- The Memoirs of Frédéric Mistral by Frédéric Mistral and George Wickes (1986) English translation of Mistral's autobiography
- Museon Arlaten Archived 2014-07-13 ვებ-ხასჷლას Wayback Machine. (ფრანგულო)