დინორეშა გინულა

ფრედერიკ რაინესი

ვიკიპედიაშე
ფრედერიკ რაინესი
ინგლ. Frederick Reines
დაბადებაშ თარიღი:

16 მელახი, 1918

დაბადებაშ აბანი:

პატერსონი, ნიუ-ჯერსი, ააშ

ღურაშ თარიღი:

მარაშინათუთა 26, 1998 (80 წანერი)

ღურაშ აბანი:

ორინჯი, კალიფორნია, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ფიზიკა

სამუშაშ აბანი :

ლოს-ალამოსიშ ლაბორატორია
კეიზიშ ბჟადალი ორეზერვე უნივერსიტეტი
კალიფორნიაშ უნივერსიტეტი (ირვაინი)

ალმა-მატერი:

სტევენსიშ ტექნოლოგიაშ ინსტიტუტი
ნიუ-იორკიშ უნივერსიტეტი

ომენცარე ხემანჯღვერი:

რიჩარდ პრეზენტი

ჯოხოშინელი მოგურაფეეფი:

მაიკლ მო

ჯილდოეფი დო პრემიეფი:

რობერტ ოპენჰაიმერიშ პრემია (1981)
მენცარობაშ ერუანული მენდალი (1983)
ბრუნო როსიშ პრემია (1989)
მაიკელსონი-მორლიშ პრემია (1990)
პანოფსკიშ პრემია (1992)
ფრანკლინიშ მენდალი (1992)
ნობელიშ პრემია ფიზიკას (1995)

ფრედერიკ რაინესი (ინგლ. Frederick Reines; დ. 16 მელახი, 1918, პატერსონი, ნიუ-ჯერსი, ააშ — ღ. 26 მარაშინათუთა, 1998, ორინჯი, კალიფორნია, ააშ) — ამერიკალი ფიზიკოსი. რაინესიქ დო კლაიდ კოუენიქ ექსპერიმენტეფიშ გიმორინაფათ ძირეს ნეიტრინო. რაინესი-კოუენიშ ექსპერიმენტიქ დანტკიცჷ ნეიტრინოშ არსებობა. ნეიტრინოშ არსებობაშ დანტკიცაფაშ გეშა, რაინესის გინოჩეს ნობელიშ პრემია ფიზიკაშ დარგის, 1995 წანას.

ბიოგრაფია[რედაქტირაფა | წყუშ რედაქტირაფა]

ფრედერიკ რაინესი გურაფულენდჷ სტევენსიშ ტექნოლოგიაშ ინსტიტუტის დო ნიუ-იორკიშ უნივერსიტეტის. გურაფაშ თებაშ უკულ მუშენდჷ ლოს-ალამოსიშ ლაბორატორიას, რდჷ მანჰეტენიშ პროექტიშ მაკათური. ლოს-ალამოსიშ ლაბორატორიას მუშენდჷ რიჩარდ ფეინმანიშ ჯგუფის. 1946 წანაშე რაინესი რდჷ ჯგუფიშ ლიდერი. მონაწილენდჷ ატომური ანჯარიშ ტესტირებაშ პროცესის, 1951 წანას რდჷ ტესტირებეფიშ ართ-ართ სერიაშ Operation Greenhouse-იშ დირექტორი. რაინესი მუშენდჷ კეიზიშ ბჟადალ ორეზერვე უნივერსიტეტის დო კალიფორნიაშ უნივერსიტეტის (ირვაინი). 1959-1966 წანეფს რაინესი რდჷ კეიზიშ ბჟადალი ორეზერვე უნივერსიტეტიშ ფიზიკაშ დეპარტამენტიშ დირექტორი. 1966 წანაშე რაინესი მუშენდჷ კალიფორნიაშ უნივერსიტეტის (ირვაინი), სოდეთ რდჷ ფიზიკაშ ფაკულტეტიშ დეკანი. 1988 წანაშე რდჷ პროფესორი ემერიტუსი.

პუბლიკაციეფი[რედაქტირაფა | წყუშ რედაქტირაფა]

ლიტერატურა[რედაქტირაფა | წყუშ რედაქტირაფა]

  • Close, Frank E. (2012). Neutrino. Oxford: Oxford University Press.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: