ფრედერიკ ჩაპმენ რობინსი

ფრედერიკ ჩაპმენ რობინსი
ინგლ. Frederick Chapman Robbins
ფრედერიკ ჩაპმენ რობინსი 1954 წანას
დაბადებაშ თარიღი:	25 მარაშინათუთა, 1916
დაბადებაშ აბანი:	ობერნი, ალაბამა, ააშ
ღურაშ თარიღი:	მარაშინათუთა 4, 2003 (86 წანერი)
ღურაშ აბანი:	კლივლენდი, ოჰაიო, ააშ
მენოღალობა:	ააშ
ომენცარე სფერო:	ვირუსოლოგია, პედიატრია
სამუშაშ აბანი :	კეიზიშ ბჟადალი ორეზერვე უნივერსიტეტი
ალმა-მატერი:	მისურიშ უნივერსიტეტი ჰარვარდიშ უნივერსიტეტი
ჯილდოეფი დო პრემიეფი:	ედვარდ მედ-ჯონსონიშ პრემია (1953) ნობელიშ პრემია ფიზიოლოგიას დო მედიცინას (1954)

ფრედერიკ ჩაპმენ რობინსი (ინგლ. Frederick Chapman Robbins; დ. 25 მარაშინათუთა, 1916, ობერნი, ალაბამა, ააშ — ღ. 4 მარაშინათუთა, 2003, კლივლენდი, ოჰაიო, ააშ) — ამერიკალი პედიატრი დო ვირუსოლოგი, ნობელიშ პრემიაშ ლაურეატი ფიზიოლოგიაშ დო მედიცინაშ დარგის (ჯონ ფრანკლინ ენდერსი დო ტომას ჰაკლ უელერიწკჷმა ართო).

ბიოგრაფია

ფრედერიკ ჩაპმენ რობინსი გურაფულენდჷ მისურიშ უნივერსიტეტის დო უკულ ჰარვარდიშ უნივერსიტეტის. გურაფაშ თებაშ უკულ მუშენდჷ კეიზიშ ბჟადალი ორეზერვე უნივერსიტეტის. 1952 წანაშე რდჷ კეიზიშ ბჟადალი ორეზერვე უნივერსიტეტიშ პედიატრიაშ პროფესორი. 1966-1980 წანეფს რობინსი რდჷ უნივერსიტეტიშ მედიცინაშ სკოლაშ დეკანი. 1962 წანაშე რდჷ ამერიკაშ ხელუანობაშ დო მენცარობეფიშ აკადემიაშ მაკათური. 1980 წანაშე ფრედერიკ ჩაპმენ რობინსი რდჷ მენცარობაშ ერუანულ აკადემიაშ მედიცინაშ ინსტიტუტიშ პრეზიდენტი. 1985 წანას რობინსიქ დირთჷ კეიზიშ ბჟადალი ორეზერვე უნივერსიტეტიშა, სოდეთ რდჷ დეკანი ემერიტუსი დო პროფესორი ემერიტუსი. 1954 წანას, მენცარეფს რობინსის, ჯონ ფრანკლინ ენდერსის დო ტომას ჰაკლ უელერს გინოჩეს ნობელიშ პრემია ფიზიოლოგიაშ დო მედიცინაშ დარგის, პოლიოვირუსიშ იზოლაციაშ დო კულტივაციაშ გეშა. ართ წანათ ადრე რობინსის გინოჩეს პრესტიჟული ედვარდ მედ-ჯონსონიშ პრემია. ღურჷ 2003 წანაშ 4 მარაშინათუთას, 86 წანერქ, ნოღა კლივლენდის, ოჰაიოს.

ლიტერატურა დო რესურსეფი ინტერნეტის

• Zetterström, Rolf (2006). „J.F. Enders (1897–1985), T.H. Weller (1915–) and F.C. Robbins (1916–2003): a simplified method for the multiplication of poliomyelitis virus. Dreams of eradicating a terrifying disease“. Acta Paediatr. 95 (9): ხს. 1026–8. DOI:10.1080/08035250600900073. PMID 16938745. 
• (1988) „The Abraham Flexner Award for distinguished service to medical education. Frederick C. Robbins, M.D“. Journal of Medical Education 63 (2): ხს. 121–2. DOI:10.1097/00001888-198802000-00006. PMID 3276892. 
• Bendiner, E (1982). „Enders, Weller, and Robbins: the trio that 'fished in troubled waters'“. Hosp. Pract. (Off. Ed.) 17 (1): ხს. 163, 169, 174–5 passim. DOI:10.1080/21548331.1982.11698030. PMID 6295913. 
• Sulek, K (1968). „[Nobel prizes for John F. Enders, Frederick Ch, Robbins and Thomas H. Weller in 1954 for discovery of the possibility of growing poliomyelitis virus on various tissue media]“. Wiad. Lek. 21 (24): ხს. 2301–3. PMID 4303387.