ჯონ ფრანკლინ ენდერსი

ვიკიპედიაშე
ჯონ ფრანკლინ ენდერსი
ინგლ. John Franklin Enders

ჯონ ფრანკლინ ენდერსიშ ბიუსტი
დაბადებაშ თარიღი:

10 ფურთუთა, 1897

დაბადებაშ აბანი:

უესტ-ჰარტფორდი, კონექტიკუტი, ააშ

ღურაშ თარიღი:

ეკენია 8, 1985 (88 წანერი)

ღურაშ აბანი:

ვოტერფორდი, კონექტიკუტი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ვირუსოლოგია, იმუნოლოგია

სამუშაშ აბანი :

ჰარვარდიშ უნივერსიტეტი

ალმა-მატერი:

იელიშ უნივერსიტეტი
ჰარვარდიშ უნივერსიტეტი

ჯილდოეფი დო პრემიეფი:

ალბერტ ლასკერიშ პრემია (1954)
ნობელიშ პრემია ფიზიოლოგიას დო მედიცინას (1954)
ედინბურგიშ უნივერსიტეტიშ კამერონიშ პრემია (1960)

ჯონ ფრანკლინ ენდერსი (ინგლ. John Franklin Enders; დ. 10 ფურთუთა, უესტ-ჰარტფორდი, კონექტიკუტი, ააშ — ღ. 8 ეკენია, 1985, ვოტერფორდი, კონექტიკუტი, ააშ) — ამერიკალი ვირუსოლოგი დო იმუნოლოგი, ნობელიშ პრემია ლაურეატი ფიზიოლოგიაშ დო მედიცინაშ დარგის. შინელი რე მუჭოთ ვაქცინეფიშ მუმა.

ბიოგრაფია[რედაქტირაფა | წყუშ რედაქტირაფა]

ჯონ ფრანკლინ ენდერსიქ დებადჷ 1897 წანაშ 10 ფურთუთას, უესტ-ჰარტფორდის, კონექტიკუტიშ შტატის. ჯონ ფრანკლინიშ მუმა ჯონ ოსტრომ ენდერსი, რდჷ ჰატფორდიშ ერუანულ ბანკიშ CEO. ჯონ ოსტრომ ფრანკლქ სკუას დუტუ 19 მილიონი დოლარი. ჯონ ფრანკლინ ენდერსი გურაფულენდჷ იელიშ უნივერსიტეტის, 1930 წანას თხილუ ოდოქტორე დისერტაცია ჰარვარდიშ უნივერსიტეტის. ჯონ ფრანკლინიშ ინტერესეფიშ სფერო რდჷ ინფექციური ლახარეფი, ვირუსოლოგია დო იმუნოლოგია. 1949 წანას ჯონ ფრანკლინქ კოლეგეფწკჷმა ართო (ფრედერიკ ჩაპმენ რობინსი დო ტომას ჰაკლ უელერი) აკეთჷ პოლიოვირუსიშ in vitro კულტივაცია. 1954 წანას, სუმ ხოლო მენცარს გინოჩეს ნობელიშ პრემია ფიზიოლოგიაშ დო მედიცინაშ დარგის. ამერიკალ ვირუსოლოგიქ ჯონას სოლკიქ გიმირინუ ჯონ ფრანკლინ ენდერსიშ დო კოლეგეფიშ მეთოდეფ პოლიოვირუსიშ კულტივავიაშო დო უკულ გიმიგონჷ პოლიომელიტიშ ვაქცინა ხოლო 1952 წანას. 1954 წანას ენდერსიქ, ტომას პიბლზიწკჷმა ართო, აკეთჷ წითელეშ ვირუსიშ იზოლაცია დო 1960-იან წანეფს გიმიგონჷ წითელეშ ვაქცინა. ჯონ ფრანკლინ ენდერსი ვირუსოლოგიას მუშენდ 1970-იან წანეფშა, უკულ, 80 წანერქ, სამედიცინო პრაქტიკა მიოტუ. ღურჷ 1985 წანაშ 8 ეკენიას, ნოღა ვოტერფორდის, კონექტიკუტის.

ჯილდოეფი დო პრემიეფი[რედაქტირაფა | წყუშ რედაქტირაფა]

ლიტერატურა[რედაქტირაფა | წყუშ რედაქტირაფა]

  • Oakes, Elizabeth H. (2007). Encyclopedia of World Scientists. New York: Facts on File.
  • Tyrrell, D. A. J. (1987). Biographical Memoirs of Fellows of the Royal Society Vol. 33. The Royal Society.

რესურსეფი ინტერნეტის[რედაქტირაფა | წყუშ რედაქტირაფა]