ქართიშ მეტროპოლიტენი

ქართიშ მეტროპოლიტენი
ზოგადი ინფორმაცია
ოდაბადური ჯოხოდვალა	ქორთ. თბილისის მეტროპოლიტენი
ქიანა	საქორთუო
ნინალაშ არეალი	ქართი
ტრანსპორტიშ ტიპი	მეტროპოლიტენი
ღაზეფიშ მუდანობა	2
დგჷმილეფიშ მუდანობა	23
დღარი მეშარეეფიშ რთაფა	≈ 400 ვითოში
წანმოწანური მეშარეეფიშ რთაფა	≈ 114 მილიონი (2018)
ვებ-ხასჷლა	ttc.com.ge ოფიციალური ვებ-ხასჷლა
ფუნქციონირაფა
ფუნქციონირაფაშ დოჭყაფა	11 ღურთუთა 1966; 58 წანაშ კინოხ
ოპერატორ(ეფ)ი	ქართიშ ოტრანსპორტე; კომპანია
ტექნიკური მახასიათაფალეფი
სისტემაშ სიგჷნძა	27.3 კმ
ქართიშ მეტროშ მარშრუტეფიშ სქემა

ქართიშ მეტროპოლიტენი — ბიწორი ტრანზიტიშ მეტროშ სისტემა ქართის. ასე ქართიშ მეტროს 22 მოქიმინჯე მეტროდგჷმილი რე. თაჸურეშე 16 იდვალუაფუ გლდანი-ვარკეთილიშ, 6 - საბურთალოშ ღოზის. ღოზეფიშ საართო სიგჷრძა რე 26,4 კმ. ექსპლუატაციაშა მიშართჷ 1966 წანაშ 11 ღურთუთას დო მაანთხა მეტროშ სისტემა რდჷ სხუნუეფიშ რსხუს (მოსკოვიშ, ლენინგრადიშ დია კიევიშ უკული). დოსქილადირი სხუნუეფიშ რსხუშ მეტროშ სისტემეფიშობურო დგჷმილეფიშ უმენტაშობა ძალამ ტომბას რე დიხაშგიმე დო დეკორაციათ გიშეგორუ. ტრანსპორტირაფაშო გიმირინუაფუ მუჭოთ ჯვეში „ე“ ტიპიშ ხვადოშხვა მოდიფიკაციაშ ვაგონეფი, თეშ ელაზჷმაფათ ახალი ტიპი 81-717/714. ვაგონეფს ონინალჷ ჟირი დეპო, „ნაძალადევი“ დო „გლდანი“.