ქეთი მელუა

ვიკიპედიაშე
ქეთი მელუა

ბიოგრაფია
თახმი ჯოხო ქეთევან მელუა
დებადჷ 16 ეკენია 1984 (ხანი 27)
დაბადებაშ აბანი ქუთეში, საქორთუო
ჟანრ(ეფ)ი ჯაზი
ბლუზი
ფოლკ პოპი
ინსტრუმენტ(ეფ)ი გიტარა, ფორტეპიანო,
ვიოლინო
აქტიური 2003 - ამდღარშახ
ლეიბლ(ეფ)ი Dramatico
ასოციაციეფი ევა კესიდი
ვებ-ხასჷლა www.katiemelua.com

ქეთი მელუა (ინგლისურო Ketevan "Katie" Melua დ. 16 ეკენიას 1984 წ.) — ქორთუ ბადებაშ ბრიტანალი მობირე.

ბიოგრაფია[რედაქტირაფა | წყუშ რედაქტირაფა]

ბაღანობაშ წანეფი[რედაქტირაფა | წყუშ რედაქტირაფა]

ქეთი მელუაქ დებადჷ საქორთუოშ სიდიდათ მაჟჷრა ნოღას — ქუთეშის, დიო ხოლო საქორთუოშ სხუნუეფიშ რესპუბლიკას (ჸოფილი სხუნუეფიშ რესპუბლიკეფიშ რსხუ). მაართა წანეფს ირდუუდჷ დადი დო ბაბუწკჷმა ქართის, საქორთუოშ ნანანოღას. უკულიან წანეფს, მასქერეფ დო ჯიმაწკჷმა ართო ოხორანდჷ ნოღა ბათუმს, სოდგა ქეთიშ მუმა კარდიოლოგო მუშენდჷ. 1993 წანას საქორთუოს ომენოღალე ლჷმაშ თებაწკჷმა ართო ფანიაქ ოხორუშა გეგნორთჷ ბელფასტიშა (ოორუე ირლანდია), სოდგა ქეთიშ მუმაქ ომუშებელო ოლეხეს ქომინწყუ. ქეთიქ გათუ წიმინდე კეთრინიშ ჯოხონობაშ კათოლიკური სკოლა დო დომინიკანური კოლეჯი. ქეთიშ ჯიმა პარალელურო გურაფულენდჷ პროტესტანტულ სკოლეფს. 1998 წანას ქეთიწკჷმა ართო ფანიაქ გეგნიხორჷ რედჰილშა (ინგლისი).

ქეთის უჩქჷ ქორთული, ინგლისური დო რუსული ნინეფი.

მაართა არტისტული წჷმოძინეფი[რედაქტირაფა | წყუშ რედაქტირაფა]

ქეთი მელუა 2004 წანას

საქორთუოს დო ბელფასტის ვა სტაბილური პოლიტიკური დგომარობაშ ფონს ქეთის შხირას ათჷრუდუ მუში გეგმეფი მუმალწკჷმა რსხუაფათ: მინ ისტორიკოსობაშე ფირქენდჷ დო მინ პოლიტიკოსობაშენ; მარა ქეთიშ გეგმეფქ ედომუშამო დითჷრ 2000 წანას, მუჟამსჷთ 15 წანერ ქეთიქ ქაკათჷ ბრიტანეთიშ ოტელევიზიე არხ ITV-იშ მანჯებულ კონკურის, ნამდგას ჯოხოდჷ "Stars Up Their Nose". თე კონკურსი რდჷ ბაღანეფიშ კონკურსიშ "Mad for it!" -იშ ნორთი. ქეთიქ წჷმოდირთჷ Badfinger–იშ ბირათ, ნამდგას ჯოხოდჷ "Without You" დო გიმორძგჷ.

განათლება[რედაქტირაფა | წყუშ რედაქტირაფა]

ოშქაშე განათლებაშ სურეიშ ოგურაფუს მეღებაშ უკული ქეთიქ გაგჷნძორჷ გურაფა ბრიტანეთიშ ხელუანეფიშ ოგურაფუს, ნამუთ ტერიტორიულო იდვალუაფუდჷ ლონდონიშ ობჟათე ნორთის. ქეთიქ ობირეშეფიშ ჭარუა დიჭყჷ გურაფაშ პერიოდის დო გვალო თე ოგურაფუს აკოხვადჷ მუშ მუმალ მენეჯერს დო პროდიუსერს, მუსიკოს მაიკ ბეტსის. ქეთის გურაფა ვა გუგინძორებჷ უმაღალაშ ოგურაფუს, მარა შხირას გჷმუხანტჷ უნივერისიტეტშა მიშულაშ კორინი. მუჭოთ ქეთიქ თქუნ, მუმალს ქაშუ გურაფაშ შანსიქ–და, ქეთი ოგურაფალო გეგშეგორჷნდჷ ინგლისურ ლიტერატურას, ისტორიას დო ფიზიკას.

დისკოგრაფია[რედაქტირაფა | წყუშ რედაქტირაფა]

  • Call Off the Search (2003)
  • Piece by Piece (2005)
  • Pictures (2007)
  • Live at the O2 Arena (2009)
  • The House (2010)
  • Secret Symphony (2012)
  • Ketevan (2013)
  • In Winter (2016)
  • Album No. 8 (2020)
  • Love & Money (2023)

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: