ქვერქვენწეფი

ვიკიპედია-შე
Jump to navigation Jump to search
ქვერქვენწია
Extant reptilia.jpg
მენცარული კლასიფიკაცია
ჟინომაფე: ევკარიოტეფი
ომაფე: ჩხოლარეფი
ტიპი: ქორდიანეფი
კლასი: ქვერქვენწეფი
გიმენკლასი: ნიანგეეფი
ლათინური ჯოხო
Reptilia
თხილუაშ სტატუსი

Wikispecies-logo.svg
სისტემატიკა
ვიკინერობეფს

Commons-logo.svg
სურათეფი
ვიკიოწკარუეს


ქვერქვენწეფი, რეპტილიეფი (ლათ. Reptilia) — გაგაჩამი ჩხოლარეფიშ კლასი. თახმი სქირონაშ ჩხოლარეფი რენა, ნამუთ თის გჷმიხანტუ, ნამჷ-და სქირონას იმიარებჷნა დო ივითარებჷნა. დჷთმოდვანა გურიშ გოფშა დიდარ დო ხეჭეჭით ფორილ მარქვალეფს, ამფიბიეფწკჷმა ალაზჷმაფათ უმოსი რსულჸოფური შურღალაშ (დიფერენცირაფილი ტრაქეათ დო ფიჟვეფი) დო ზისხირიშ მიმოულაშ სისტემეფი უღჷნა.

ქვერქვენწეფს ფიჟვეფით მეუღჷნა შური. თინეფი, ამფიბიეფიშ მოგვენო, ჰეერშე ღებულენა ჟანგბადის დო გიმმუღნა ნოშქერორჟანგი. თინეფიშ სქირე კანი ვა რემენწყილი კანით შურღალას, თეშ გეშა ქვერქვენწიშ ფიჟვეფი უმოსი ჭყანიერი ოკო რდას, ვინდარო ამფიბიეფიშ. მართალოთ, რეპტილიეფიშ ფიჟვეფს ნაკიჩეფი უღჷნა, ნამუშ გეშა იძინანს თინეფიშ ოშურღალე ჟინპიჯი. თენა უნარღელჸოფენს ჟანგბადიშ ხვეიანო მეჭირინაფას ორგანიზმიშო. ქვერქვენწეფს ლექინი კიდალეფით მიარე კურთხუო დორთილი ფიჟვეფი უღჷნა, ნამუეფით ხუჭელი რე. ქვერქვენწეფიშ რსხულიშ ტემპერატურა იროიანი ვა რე. თინა ითირუ ჰეერიშ ტემპერატურაშ მეჯინათ. რეპტილიეფი რგილზისხირამი ჩხოლარეფი რენა.

ტიოზიშ ქვიშას მახვენი ქვერქვენწეფი თაკარა ბჟაშ გიმე თხილერი რენა გიშასქირაფაშე, თიშენ ნამჷ-და თინეფიშ გალენი ოფორუე გარძე რე ბეკერე დო ჩხოლარს დოღამაკაფაშ დო წყარიშ დინაფაშე თხილანს, ე.ი. ჩხოლარიშ გიშასქირაფა ვათმოხვადუ. გვერეფიშ რსხული ფორილი რე ქალამი ქერცეფით, ნიანგეშ დო კუშ რსხული ფორილი რე ქალამი ფარეფით. რსხულიშ ქალამი დაცხი ვერდუ, თეშ გეშა ჩხოლარიშ ძინაწკჷმა ართო თინა ღურუ. გვერეფიშ რსხულშე ჯვეში კანი ცენს მორჩილ დო დიდ ნოჭკერეფო. ახალი ქალამი დაცხი წჷმიქიმინუ ჯვეშიშ გიმე, კანიშ ჟილენი ფაშე. კანიშ გალენი ოფორუეშ თირუას - კანიშ თირუა ჯოხო. ქვერქვენწეფი კანს ითირანა.

მუჭოთ გინორთელი რე ქვერქვენწეფიშ გვარობეფი დო თინეფიშ წინაშ წესი, თეშ რე გინორთელი თინეფიშ ჭკომუათ. რეპტილიეფი ოჭკომალო თარო შხვა ჩხოლარეფს გჷმირინუანა. გვერი მაჯინენს შხუ ჩხოლარეფშა. სამანგათ: რჩქვანელობური ანკარა ღალუეფს დო შხვა მორჩილ წყარჩუაშეეფს ჭოფუნს გორდეფს, გვერჟღამა დიო ჟღამით ჸვილუნს ოკიბირალს, უკული — გჷნმოყინტუნს.

რეპტილიეფი მაფურინჯეეფწკჷმა დო ძუძუშმაწუალეფწკჷმა ართო ორხველჷნა უმაღალაშ გაგაჩამეფს - ამნიონიანეფს, ნამუეფს შქას თინეფი უდაბალაშ ბუნას აკმადგინანა.

სქოლიო[რედაქტირაფა | წყუშ რედაქტირაფა]