ყაზახეთიშ ისტორია

ვიკიპედიაშე
თეხანური ყაზახეთიშ ორენი
ოხაკანე პერიოდიშ გიშაულარი ანჯარი

ყაზახეთიშ ტერიტორიას მახორუ ადამიერეფიშ ისტორია დოხოლაფირო 1 მილიონი - 800 000 წანაშ კინოხ კარატაუშ გვალეფს მახორუ პიტეკანტროპეფით (ადამიერ-ქია) იჭყაფუ. კარატაუშ რეგიონს დო ცენტრალური ყაზახეთიშ ტერიტორიას ნეანდერტალარეფი დოხოლაფირო 140 – 40 ვითოში წანაშ კინოხ მუკორჩქინდეს, თეხანური ჰომო-საპიენსეფი 40 – 12 წანაშ კინოხ ცენტრალურ დო ბჟაეიოლ ყაზახეთის.

ყაზახეთიშ ტერიტორიას დოხოლაფირო 5000 წანაშ კინოხ დიჭყეს ჩხოლარეფიშ დოჭყანაფა დო დიხაშ დამუშება. ბოტაიურ კულტურას (ქირსეშახ: 3600–3100 წ.) დიჭყანეს მაართა ცხენი. თაშნეშე 4-3 ვითოშწანურეფს დიჭყჷ რკინაშ დამუშებქ დო 2 ვითოშ წანაშ კინოხ ჯვეშ წანეფიშეჭარუათ, უკვე გოვითარაფილი რდჷ მადენიშ შიბა დო გეგია რინაშ წესი ყაზახეთიშ ველეფს.

ჩქინ წანეფიშეჭარუაშახ III ოშწანურას, ყაზახეთიშ ტერიტორია ედომუშამო მიშმეშჷ ჰუნეფიშ იმპერიაშა, სოიშე იჭყაფუ თიში ისტორიული პერიოდი. ჰუნეფიშ იმპერიაქ აკაართიანუ დოხოლაფირო 26 ზოხორინელი ტომობურივი რსხუ. იმპერიაშ აკოცჷმაშ უკული, ყაზახეთიშ ტერიტორიას მახორუ ტიელეფქა აკოქიმინეს ტომობურივი რსხუ, ნამუთ მირჩქინუაფუდჷ ჰუნეფიშ იმპერიაშ მონძეთ.

ჩქინ წანეფიშეჭარუაშ VI ოშწანურას, ყაზახეთიშ ტერიტორიას მახორუ კათეფქ ქუდაჸუნეს თურქეფიშ ოხაკანეს. ორდოშიან შქა ოშწანურეფს, ყაზახეთიშ ტერიტორიას რსებენდჷ მუსხირენი ზოხორინელი ქიანა, თინეფს შქას არძაშე ჩინებული რდჷ: კანგარიშ რსხუ, ოღუზეფიშ ქიანა დო ყარახანიდეფიშ სახენწჷფო. XIII ოშწანურას, ყაზახეთი მონღოლეფიშ იმპერიაშ გოლინაშ გიმე ქჷმოხვადუ. XVI ოშწანურას, ყაზახეთიშ ნორთი გეჭოფუ რუსეთიშ იმპერიაქ. თეხანური ყაზახეთიქ, მუჭოთ ზოხორინელი პოლიტიკური ართულქ, სხუნუეფიშ რსხუშ აკოდგინალუას 1930 წანას გჷმიქიმინჷ.

იხილეთ აგრეთვე[რედაქტირაფა | წყუშ რედაქტირაფა]

ლიტერატურა[რედაქტირაფა | წყუშ რედაქტირაფა]

  • Hiro, Dilip, Between Marx and Muhammad: The Changing Face of Central Asia, Harper Collins, London, 1994, pp 112–3.
  • Mike Edwards: "Kazakhstan – Facing the nightmare" National Geographic March 1993

რესურსეფი ინტერნეტის[რედაქტირაფა | წყუშ რედაქტირაფა]