დინორეშა გინულა

ჩარლზ გლოვერ ბარკლა

ვიკიპედიაშე
ჩარლზ გლოვერ ბარკლა
ინგლ. Charles Glover Barkla
დაბადებაშ თარიღი:

7 მანგი, 1877

დაბადებაშ აბანი:

უიდნესი, ლანკაშირი, ინგლისი

ღურაშ თარიღი:

გჷმათუთა 23, 1944 (67 წანერი)

ღურაშ აბანი:

ედინბურგი, შოტლანდია

მენოღალობა:

გოართოიანაფილი ომაფეშ შილა გოართოიანაფილი ომაფე

ომენცარე სფერო:

ფიზიკა

სამუშაშ აბანი :

კემბრიჯიშ უნივერსიტეტი
ლივერპულიშ უნივერსიტეტი
ლონდონიშ ომაფე კოლეჯი
ედინბურგიშ უნივერსიტეტი

ალმა-მატერი:

ლივერპულიშ უნივერსიტეტი
ტრინიტი-კოლეჯი (კემბრიჯი)
ომაფე კოლეჯი (კემბრიჯი)

ომენცარე ხემანჯღვერი:

ჯოზეფ ჯონ თომსონი
ოლივერ ლოჯი

ჯილდოეფი დო პრემიეფი:

ნობელიშ პრემია ფიზიკას (1917)
ჰიუზიშ მენდალი (1917)

ჩარლზ გლოვერ ბარკლა (ინგლ. Charles Glover Barkla; დ. 7 მანგი, 1877, უინდესი, ლანკაშირი, ინგლისი — ღ. 23 გჷმათუთა, 1944, ედინბურგი, შოტლანდია) — ინგლისარი ფიზიკოსი, რენტგენული სპექტროსკოპიაშ დო რენტგენული რადიაციაშ მენცარული რკვიებაშ გეშა გინოჩეს ნობელიშ პრემია ფიზიკაშ დარგის 1917 წანას.

ბიოგრაფია[რედაქტირაფა | წყუშ რედაქტირაფა]

ჩარლზ გლოვერ ბარკლაქ დებადჷ 1877 წანაშ 7 მანგის, ინგლისიშ ნოღა უიდნესის. გურაფულენდჷ დიო ლივერპულიშ ინსტიტუტის დო უკულ ლივერპულიშ უნივერსიტეტის. 1899 წანას ბარკლაქ გურაფა გაგინძორჷ კემბრიჯიშ ტრინიტი-კოლეჯის, სოდეთ მუშენდჷ კავენდიშიშ ლაბორატორიას, ჯოზეფ ჯონ თომსონიშ ხემანჯღვერობათ. მალას ბარკლაქ, მუჭოთ მოჸოროფე მუსიკოსიქ, გეგნორთჷ კემბრიჯიშ ომაფე კოლეჯიშა, სოდეთ მიპალუ ხელუანობაშ ბაკალავრიშ ხარისხი 1903 წანას დო უკულ ხელუანობაშ მაგისტრიშ ხარისხი 1907 წანას. 1913 წანას ბარკლაქ მუშობა ქიდიჭყჷ ედინბურგიშ უნივერსიტეტის, ნატურფილოსოფიაშ პროფესორო. ჸათე პოზიცია ბარკლას უკებუდჷ ღურაშახ. 1917 წანას ბარკლაქ მიპალუ ნობელიშ პრემია. თე წანას ლონდონიშ ომაფე ჯარალუაქ ბარკლას გინოჩჷ ჰიუზიშ მენდალი. ჩარლზ ბარკლა რდჷ ლონდონიშ ომაფე ჯარალუაშ მაკათური. ღურუ 1944 წანაშ 23 გჷმათუთას, ედინბურგის. ჩარლზ ბარკლაშ ჯოხონობაშ რე ართ-ართი კრატერი თუთას. ედინბურგიშ უნივერსიტეტის რე ბარკლაშ ჯოხონობაშ ბიოფიზიკური ლაბორატორია.

რესურსეფი ინტერნეტის[რედაქტირაფა | წყუშ რედაქტირაფა]