ჩარლზ უაივილ ტომსონი
| ჩარლზ უაივილ ტომსონი | |
| ინგლ. Charles Wyville Thomson | |
 ტომსონი 1923 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 10, 1882 (52 წანერი) |
| ღურაშ აბანი: |
ლინლიტგოუ, შოტლანდია |
| მენოღალობა: | |
| ომენცარე სფერო: | |
| სამუშაშ აბანი : |
აბერდინიშ უნივერსიტეტი |
| ალმა-მატერი: | |
| ჯილდოეფი დო პრემიეფი: |
ომაფე მენდალი (1876) |
.svg){kind=small}
ჩარლზ უაივილ ტომსონი (ინგლ. Sir Charles Wyville Thomson; დ. 5 მელახი, 1830, ლინლიტგოუ, შოტლანდია — ღ. 10 მელახი, 1882, ლინლიტგოუ, შოტლანდია) — შოტლანდიარი ოკეანოლოგი, ბიოლოგი, ზოოლოგი დო გეოლოგი. რდჷ ჩელენჯერიშ ექსპედიციაშ თარი მენცარი. გურაფულენდჷ მედიცინას ედინბურგიშ უნივერსიტეტის, სოდეთ მიპალუ მედიცინაშ დოქტორიშ ხარისხი. ტომსონის მედიცინაშ უმოსო ორთაშობური მენცარობეფი ოინტერესუდჷ. 1847 წანას ტომსონიქ ქაკათჷ ედინბურგიშ ბოტანიკაშ ჯარალუას. 1850 წანას გინირთჷ ედინბურგიშ ფიზიკაშ ომაფე ჯარალუაშ მელამოსეთ. გურაფაშ თებაშ უკულ მუშენდჷ ბოტანიკაშ პროფესორო აბერდინიშ უნივერსიტეტის. 1853 წანაშე ტომსონი რდჷ ქუინსიშ კოლეჯიშ (კორკი, ირლანდია) ორთაშობური ისტორიაშ პროფესორი დო 1854 წანაშე მუშენდჷ ქუინსიშ უნივერსიტეტიშ (ბელფასტი) გეოლოგიაშ დო მინერალოგიაშ პროფესორო. 1855 წანას ტომსონიქ ქაკათჷ ედინბურგიშ ომაფე ჯარალუას დო 1877-1882 წანეფს რდჷ თიში ვიცე-პრეზიდენტი. 1869 წანაშე ტომსონი რდჷ ლონდონიშ ომაფე ჯარალუაშ მაკათური. 1868 წანას ტომსონიქ გინირთჷ მენცარობეფიშ ომაფე კოლეჯიშ ბოტანიკაშ პროფესორო დო 1870 წანას ედინბურგიშ უნივერსიტეტიშ ორთაშობური ისტორიაშ პროფესორო. ედინბურგიშ უნივერსიტეტის ტომსონიშ სტუდენტი რდჷ ართურ კონან დოილი. 1871-1872 წანეფს ტომსონი მუშენდჷ ედინბურგიშ ბოტანიკაშ ჯარალუაშ პრეზიდენტო. ჩარლზ უაივილ ტომსონის ჩელენჯერიშ ექსპედიციაშა მიშნაღელი მენცარული კონტრიბუციაშ გეშათ გინოჩეს რაინდიშ ტიტული. ტომსონი რდჷ ჩარლზ დარვინიშ ორთაშობური სელექციაშ თეორიაშ ოპონენტი. ტომსონიშ აზრით დარვინიშ თეორია გვარობეფიშ ევოლუციას ჯგირო ვეთმონწყუნდჷ. ტომსონიშ ჸათე პოზიციას მაჸუნჷ დარვინიშ კრიტიკულ სტატიაქ ჟურნალ "Nature"-ის. ტომსონიქ ღურუ 1882 წანაშ 10 მელახის.
გიშნაგორა პუბლიკაციეფი[რედაქტირაფა | წყუშ რედაქტირაფა]
- The Depths of the Sea (1873)
- The Voyage of the Challenger (1877)