ჩერქეზეფი
ჩერქეზეფი (დორხველი ჯოხო ადიღე) — ადიღარეფიშ ედომუშამი ჯოხო. ჭარილობაშ ქილინჯეფს მაართათ იშინუაფუ XIII ოშწანურას. ჩერქეზეფშა რუსეთის გეუძუნა ყარაჩაი-ჩერქეზეთიშ მახორობა (მ. შ. ყაბარდარეფიშ კჷნოხონეფსჷთ, ნამუეფქჷთ ყუბანშა გინიხორეს XIX ოშწანურას). იჩიებუნა ყაბარდულ-ჩერქეზულ ნინაშა , ნამუთ ორხველჷ კავკაციური ნინეფიშ აფხაზურ-ადიღურ ბუნას. ედომუშამი მუდანობა 50,8 ვითოში კოჩი. ოხორანა ყარაჩაი-ჩერქეზეთიშ 17 აულს. თაშნეშე ხოლო ბჟაეიოლს, სოდგათ გინახორუეს XIX ოშწანურიშ მაჟირა გვერდის. თაქი ჩერქეზეფს უძახჷნა ადიღეეფსჷთ, აფხაზეფსჷთ დო ოსეფსჷთ.
გენოციდი[რედაქტირაფა | წყუშ რედაქტირაფა]
რუსეთიშ იმპერიაქ მა-19 ოშწანურს, რუსეთ-კავკაციაშ ლჷმაშ ჟამს მანწყუ ადიღე-ჩერქეზეთიშ ეთნიკური წიმინდუა, გადუდიშულუ ტერიტორიეფი კაზაკეფიშ დო რუსეფიშ აშახორინიშ ღანკით. ედომუშამო თე მოლინეფს განადგურებულ დო გინახორაფილქ იჸუ მილიონ დო გვერდშახ, ჩერქეზული მახორობაშ 90%–იშ უმოს კოჩქ. ქართიშ სახენწჸფო უნივერსიტეტიშ პროფესორი, კავკაციოლოგ მერაბ ჩუხუაშ რკვიებეფიშ მეჯინათ, „დამპყრობლური ლიმეფიშ ჟამს ჩერქეზი კათაშ გენოფონდიშ ედომ დინაფაქ, ჸვილირეფიშ სახეთ აკადგინჷ თე კათაშ ედომუშამი მახორობაშ 20%–იშ უმოსი, მუშ გურშენით ექსპერტეფი თე ფაქტის გენოციდო აფასენა.
2011 წანაშ 21 მესის, საქორთუოშ პარლამენტიქ მიღჷ სპეციალური დოდგინალაფა, ნამუთ მა–19 ოშწანურას რუსეთიშ იმპერიაშე ჩერქეზი კათაშ ეთნიკური წიმინდუა „გენოციდიშ აქტო“ აღიარჷ. გინოჭყვადირუას ხუჯი დჷმაჭიშე 95 დეპუტატიშე არძოქ ართო ქჷდუკინჷ,მუთით საქორთუოქ მაართა ქიანათ გინირთჷ ჩერქეზეფიშ გენოციდიშ აღიარებაშე[1].
რუსეთიშ სახენწჷფო სხუნუშ ინტერნაციონალურ საქვარეფიშ კომიტეტიშ დუდმახვენჯიქ თე ფაქტი საქორთუოშ „კონიუქტურულ–პოლიტიკური“ ღანკეფით გენწყჷ დო ვართ ჩერქეზი კათაშ „ტრაგიკული ბედიშ“ ზიარებაშ კორინით[2].
ქოძირით თაშნეშე[რედაქტირაფა | წყუშ რედაქტირაფა]
რესურსეფი ინტერნეტის[რედაქტირაფა | წყუშ რედაქტირაფა]
სქოლიო[რედაქტირაფა | წყუშ რედაქტირაფა]
- ↑ [cite web|url=http://civil.ge/geo/article.php?id=24024 | title=საქაორთუოქ ჩერქეზი კათაშ გენოციდი აღიარუ |accessdate=22 მესი, 2011 |work=ნიუსი |publisher=სივილ ჯორჯია Archived 2022-03-26 ვებ-ხასჷლას Wayback Machine. |date=20 მესი, 2011 ]
- ↑ [cite web|url=http://civil.ge/geo/article.php?id=24028 | title=რუსი დეპუტატი ქართიშე ჩერქეზეფიშ გენოციდიშ აღიარებაშე |accessdate=22 მესი, 2011 |work=ნიუსი |publisher=სივილ ჯორჯია Archived 2022-03-26 ვებ-ხასჷლას Wayback Machine. |date=21 მესი, 2011 ]