ჩესლავ მილოში

ვიკიპედიაშე
ჩესლავ მილოში

ჩესლავ მილოში, 1999 წანა
დაბადებაშ თარიღი:

30 მანგი, 1911

დაბადებაშ აბანი:

შეტენიე, კოვნოშ გუბერნია, რუსეთიშ იმპერია

ღურაშ თარიღი:

მარაშინათუთა 14, 2004 (93 წანერი)

ღურაშ აბანი:

კრაკოვი, პოლონეთი

ერუანობა:

პოლონარი-ამერიკალი

საქვარუა:

ჭარუ, პოეტი, პროფესორი, დიპლომატი

Magnum opus:

Rescue (1945)
The Captive Mind (1953)
A Treatise on Poetry (1957)

ჟანრი:

პოეზია, პროზა

ნინა:

პოლონური ნინა, ინგლისური ნინა, ფრანგული ნინა

ჯილდოეფი:

ნეიშტადტიშ პრემია ლიტერატურას (1978)
ნობელიშ პრემია ლიტერატურას (1980)
ხელუანობაშ ერუანული მენდალი (1989)
ჩე არწივიშ ორდერი (1994)
ნიკეშ პრემია (1998)

ხეშმოჭარუა

ჩესლავ მილოში (პოლ. Czesław Miłosz; დ. 30 მანგი, 1911, შეტენიე, კოვნოშ გუბერნია, რუსეთიშ იმპერია — ღ. 14 მარაშინათუთა, 2004, კრაკოვი, პოლონეთი) — პოლონარი-ამერიკალი პოეტი, ჭარუ დო დიპლომატი, ნობელიშ პრემიაშ ლაურეატი ლიტერატურას (1980). მერჩქინელ რე XX ოშწანურაშ ართ-ართ უდიდაშ პოეტო.

ბიოგრაფია[რედაქტირაფა | წყუშ რედაქტირაფა]

ჩესლავ მილოშიქ დებადჷ 1911 წანას, ოფუტე შეტენიეს, კოვნოშ გუბერნიას, რუსეთიშ იმპერიას. გურაფულენდჷ ვილნიუსიშ უნივერსიტეტის. მაჟირა მოსოფელიშ ლჷმაშ ბორჯის, მილოშიქ ვარშავას ოკუპაციას გინასქიდჷ დო ლჷმაშ თებაშ უკულ დიპლომატიურ კარიერა დიჭყჷ. რდჷ პოლონეთიშ ახალ თარობაშ კულტურული ატაშე. კომუნისტურ თარობაწკჷმა პრობლემეფიშ გეშა, ჩესლავ მილოშიქ პოლონეთი ქიდიტუ დო ოცხოვრებშა საფრანგეთშა გინორთჷ. საფრანგეთშე ამერიკაშა მიდართჷ დო მუშობა ქიდიჭყჷ კალიფორნიაშ უნივერსიტეტის (ბერკლი), პროფესორო. მილოშიშ პოეზიაქ დო პროზაქ დიდი პოპულარობა მიპალუ. მუშ ნახანდეფს მილოში ეთმოჭარუნს ისტორიას, პოლიტიკას, მორალს, რელიგიას დო შხვა თემეფს. 1980 წანას მილოშის გინოჩეს ნობელიშ პრემია ლიტერატურაშ დარგის. რდჷ შხვადოშხვა პრემიეფიშ დო ორდერეფიშ ლაურეატი. ღურჷ 2004 წანაშ 14 მარაშინათუთას, კრაკოვს, პოლონეთის.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: