ციცარი

ვიკიპედია-შე
Jump to navigation Jump to search
ციცარი
ციცარი
მენცარული კლასიფიკაცია
ომაფე: ჩხოლარეფი
ლათინური ჯოხო
Numididae
თხილუაშ სტატუსი

ციცარი შინური (Numididae), მაფურინჯეეფიშ ფანია ქოთომიშობურეფიშ რანწკიშე. შინური ციცარი მოურს რჩქვანელობურ ციცარშე (Numida meleagris), ნამუთ ბჟადალ აფრიკას ხენ. ჩინურ ციცარს უღჷ გჷრძე, ოვალური რსხული. ირინუანა უთარაშო სახორცეთ. მორდილ მუმულიშ მასა რე დოხოლაფირო 2 კგ, დადულიშ 1,8 კგ. მარქვალდვალა - 70-120 მარქვქლი წარმოწანას. მარქვალი იწონუ 42-45 გრამს. მეციცრეობას ორეწუალე შანულობა უღჷ საფრანგეთის, უნგრეთის, იტალიას, ინგლისის, ააშ-ს, ავსტრალიას.

გალენური მეჯინა[რედაქტირაფა | წყუშ რედაქტირაფა]

ციცარიშ რსხულიშ ზჷმა 40 სმ-შე 70 სმ-შახ რე. თის კუნტა, თუდო გერთელი კუდელი უღუ. რსხულშე გინორთელი, ფსქელი ბურდღუაშ გეშა გოძინელო იძირებე, დუდი დო კინჩხი თინეფიშ უმენტაშობას ბურდღეფით ვა აფუ ფორილი. ციცარიშ არძა გვარობას რუმე ბურდღა უღუ, ნამუთ მორჩილ ნოთე ჭურჭულეფით რე ფორილი.

რინაშ ნერობა[რედაქტირაფა | წყუშ რედაქტირაფა]

რინაშ ნერობათ ართიანშე ვეგშმიგორჷნა. ხენა ბუნურო გვალამ აბანს, ფსქელ ბართვამ დო ოშა-გოშა ტყალეფს. ბიწორას მირულენა დო ვართფერი ჯგირი მაფურინეეფი რენა, თიშ გეშა, ნამჷ-და ფურინუა თინეფს მალას ოშულიდუანს. ჭკომჷნა მუჭოთ ჭანდეფს, თეშ ჩანარეფს: კენკარეფს, ჩანარეფიშ თასეფს, ჩანარეფიშ ელნაფალეფს, ფურცელეფს დო შხვ.

გომიარაფა[რედაქტირაფა | წყუშ რედაქტირაფა]

ბუდუაშ ბორჯის დუდიშულას რინას ჭკობათ ირთჷნა. ოგვაჯეთ გჷმადირთჷნა დინობურგონილი დიხა. მარქვალდვალაშ ბორჯის 5—8 მოჸვინთალე-მორჩე მარქვალს დჷთმოდვანს.

ციცარიშ კარკალი

ჟირ დადული ჸუდეშ ციცარიშ ხონარი
ვა გუგანწყინესო ფაილქ? ქძ. მედია მოხვარე.

ლიტერატურა[რედაქტირაფა | წყუშ რედაქტირაფა]

  • ანთაძე ნ., ქსე, ტ. 11, გვ. 234, თბ., 1987