წირკეშ წამალი

ვიკიპედია-შე
Jump to navigation Jump to search
წირკეშ წამალი
უჩა წირკეშ წამალი
უჩა წირკეშ წამალი
მენცარული კლასიფიკაცია
ჟინომაფე: ევკარიოტეფი
ომაფე: ჩანარეფი
გჷნართი: პიოლამეფი
კლასი: ჟირლებერამეფი
ფანია: ჯოღორიშ მაჸურზენაიაშობურეფი
გვარი: წირკეშ წამალი
ლათინური ჯოხო
Hyoscyamus
თხილუაშ სტატუსი

Wikispecies-logo.svg
სისტემატიკა
ვიკინერობეფს

Commons-logo.svg
სურათეფი
ვიკიოწკარუეს

ITIS 30522
NCBI 4078

წირკეშ წამალი (Hyoscyamus) — ჟირწანიანი დო ართწანიანი ოდიარე ჩანარეფიშ გვარი ჯოღორიშ მაჸურზენაიაშობურეფიშ ფანაიშე.

თიში 20-შახ გვარობა გოფაჩილი რე ევროპას, აზიას, აფრიკას დო კანარიშ კოკეფს. საქორთუოს ჩანს 3 გვარობა; თინეფს შქას უმოსო შანულამი რე უჩა წირკეშ წამალი (Hyoscyamus niger) — ჟირწანიანი ოდიარე რე.

ღერიშული ფურცელეფი ინმახვენი დო გვერდო ღერმაკარკატე. ლანდღვე ჸვინთლი ფერიშ გვურგინი იაიაშფერო რე დოჯერღვილი. გუმნაღელი მიარეთასამი მოგჷნძე კოლოფი რე. გოფაჩილი რე ევრაზიას, ოორუე ამერიკას დო ავსტრალიას.

გოფაჩილი რე მუჭოთ ეზაპიჯგემაჩანე. ირდუ რუდერალურ აბანეფს, შარაპიჯეფს, ორტვინს, ბაღის დო მინდორიას. ჩქინწკჷმა თე გვარობა გოფაჩილი რე დახე ირდიხას დიხაშ ჟილენი ორტყაფუშახ. წირკეშ წამალი ძალამ მუმაწამალარი ჩანარი რე. უღუ ურცხი შური, იკათუანს ალკალოიდეფს — ჰიოსციამინს, ატროპინს დო სკოპოლამინს.

მედიცინას გჷმირინუანა წირკეშ წამალიშ ფურველეფიშ ექსტრაქტის, მუჭოთ სპაზმეფიშ სააწმარეჯო დო ჭუაგუმაჟურე საშუალებას ყიაჭჷშ დო შუროღალე რზალეფიშ კანკალე ლახარეფიშ ბორჯის. წირკეშ წამალიშ აკოჩიჩოლირი ფურცელეფი მიშურს ასთმატოლიშ აკოდგინალუაშა. წირკეშ წამალშე აკეთენა წირკეშ წამალიშ ზეთის, ნამუთ ჭუაგუმაჟურე საშუალებათ გჷმირინუაფუ ნაჟეჟაშ, იშიაზიშ დო შხვა შვანეფს. წირკეშ წამალით მოჟღამარუა კანკალეშა ღურათ ითებჷ.

მაართა მოხვარა: ეფაფაფილი გოაქტიურაფილი ნოშქერით დო კალიუპერმანგანატიშ წყორით კუჭიშ ეშარჩხუალა, უკული ჯიმუამი მაწიტაფე საშუალებეფი, მანგარი ჩაი, ყავა დო შხვა.

ლიტერატურა[რედაქტირაფა | წყუშ რედაქტირაფა]

  • ხინთიბიძე ლ., ქსე, ტ. 6, გვ. 190, თბ., 1983