ჭიჭე მაფასქირი
| ჭიჭე მაფასქირი | |
| Le Petit Prince | |
 | |
| ავტორი | |
|---|---|
| ილუსტრატორი |
ანტუან დე სენტ-ეგზიუპერი |
| ქიანა | |
| ნინა | |
| ჟანრი | |
| გჷშაშქუმალაშ თარიღი | |
| მათანგალი |
გივი გ. ქარჩავა |
| ქორთულო/მარგალურო გჷშეშქვინჷ |
2013 |
| ISBN |
978-0-15-202398-0 |
ჭიჭე მაფასქირი (ფრანგ. Le Petit Prince) — ალეგორიული ნოველა; ფრანგი არისტოკრატიშ, ჭარუშ, პოეტიშ დო მაფურინეშ ანტუან დე სენტ-ეგზიუპერიშ არძოშე უმოსო ჩინებული ნახანდი. მაართათ გჷშეშქვინჷ 1943 წანას ნიუ-იორკის.
ჭიჭე მაფასქირი ირიშენ უმოსო ნაკითხირა დო ირიშენ უმოსო ნათანგა ფრანგულნინამი წინგი რე. საფრანგეთის თინა XX ოშწანურაშ საუჯგუშო წინგო მირჩქინეს. გინოთანგილი რე 250-შე უმოსი ნინაშა დო დიალექტიშა (თინეფ შქას ბრაილშა), მოსოფელიშ მასშტაბით გიმოჩამილი რე 140 მილიონშე უმოსი ეგზემპლარი დო წჷმარინუანს ირი ბორჯიშ ართ-ართი წჷმოძინელ ბესთსელერს.
სენტ-ეგზიუპერი საფრანგეთიშ მუსხირენ უმაღალაშ ლიტერატურული ჯილდოშ ლაურეატი რე. მაჟირა მოსოფელიშ ლჷმაშ დაჭყაფუს თიქ ოურდუმე პილოტო ქოდიჭყჷ ხანდა. წინგი ააშ-ს ჭარჷ დო ილუსტრირაფა უღოლუ, თიშ უკული მუთ საფრანგეთიშ კამპანიაშვანს წისაფილ მარცხიშ ბორჯის თე ქიანაშა გინიხორუნ. ააშ-ს თიშ საღალე რდჷ, ნამუდა თარობა დურწუმებუდჷკო მუთ შილებენ მალას ქოხოლაფუდჷკო ნაცისტური გერმანიაშ მეხჷ ლჷმასჷნ. ნახანდეფიშ გვერდიშე უმოსი თიქ დორხველი წიმიძონეფიშ დო სინთელეშ გაუფრაშებაშ პარალელურო ჭარჷ, თინეფ შქას გინელ ამბე ხვალახობაშე, მაჸალობაშე, ჸოროფა დო მენდიშწულაშენ, მუსუთ თინა დიხაუჩას გითოლაფირ მარდუ მაფასქირიშ პიჯით გინმოჩანს.
ავტორს ორდოშიან ოავიაციე გომორსილობა უღუდჷ საჰარაშ ტიოზის დო მერჩქინელი რე, ნამუდა ნახანდიშ სიუჟეტის წორას თე გომორსილობაშე ეჭოფილ ელემენტეფი აფუ ძირაფილი. გჷშაშქუმალაშ დღაშე ვითწანურეფიშ გოძვენას, ჭიჭე მაფასქირშენ ინიჭარინჷ მიარე აუდიო ინნაჭარაქ, დიდგჷ სპექტაკლეფქ, ბალეტეფქ, ოპერეფქ, გინიღეს ფილმეფი.[1]
ჭიჭე მაფასქირი თაშნეშე თანგილი რე მარგალური ნინაშა, ნამუქჷთ გივი გ. ქარჩავაშ ავტორობათ 2013 წანაშ ღურთუთას სტამბოლს გიშართჷ.
რესურსეფი ინტერნეტის
[რედაქტირაფა | წყუშ რედაქტირაფა]- "ჭიჭე მაფასქირიშ" მარგალური ნათანგაშ პრეზენტაცია Book Cafe-ს
- The Little Prince excerpts and collection in 380 languages and dialects
- List of different editions Archived 2008-04-20 ვებ-ხასჷლას Wayback Machine.
- Study Guide at SparkNotes
- The Museum of The Little Prince in Hakone Archived 2012-10-18 ვებ-ხასჷლას Wayback Machine.
სქოლიო
[რედაქტირაფა | წყუშ რედაქტირაფა]- ↑ MTG editorial (2010-02-05). World Classic for all ages. კითხირიშ თარიღი: 2010-02-12.