ჭოროხი

ვიკიპედიაშე
ჭოროხი
დოხასიათაფა
სიგინძა 438 კმ
ღანჩოშ ფართობი 22 000 კმ²
აკათუ უჩა ზუღა
ქიანეფი თურქეთი, საქორთუო
ნოღეფი ართვინი, ბაიბურთი

ჭოროხი (თურქ. Çoruh nehri) — წყარმალუ თურქეთის დო საქორთუოს. ოდუდე უღჷ ოქუს-ბადადაღიშ გვალეფს. წყარმალუშ სიგინძა რე 438 კილომეტრი, თაჸურეშე 26 კილომეტრის მეურს აჭარაშ ავტონომიურ რესპუბლიკაშ ტერიტორიას. ღანჩოშ ფართობი რე 22 000 კვ.კმ. ჭოროხი უმოსო მეურს ტექტონიკურ ლეხერს ლაზისტანიშ დო ჭოროხიშ ქჷნდჷრეფს შქას დო ნოღა ბათუმიშ ობჟათეშე აკათუ უჩა ზუღას. წყარიშ ოშქაშე ხარჯი მიშაკათაფუწკჷმა რე 277 კუბ.მ/წმ. აფუნ-ზარხულს უჩქჷ წყარიშმოლაფეფი, გჷმირინუაფუ ოწყარალო. თარი ნადუეფი რე: აჭარისწყალი დო მაჭახელისწყალი.

წყარმალუ ჭოროხის თურქეთიშ განშე იდვალუაფუ ნოღა ბაიბურთი, სპერი (ისპირი), ართვინი, ბორჩხა. ეგაფილი რე ჰესეფი. საქორთუოშ სანძღოწკჷმა მეურს დერინერიშ კაშხალიშ ეკჷდუა. ჭოროხიშ ღანჩოს ქორთული კულტურაშ ანდა განძი რე ასქილადირი.

წყარმალუ ჭოროხიშ ჯოხოდვალა რე აკამფსისი (ბერძნ. Akampsis) ბიზანტიურ დო რომაულ წყუეფს.

ლიტერატურა[რედაქტირაფა | წყუშ რედაქტირაფა]