ჭუკეფიშ დო ადამიერეფიშ გეშა

ჭუკეფიშ დო ადამიერეფიშ გეშა
Of Mice and Men
ავტორი	ჯონ სტეინბეკი
ქიანა	ააშ
ნინა	ინგლისური
ჟანრი	რომანი, ალეგორია
გჷშმაშქუმალარი	Pascal Covici
გჷშაშქუმალაშ თარიღი	1937
ქორთულო/მარგალურო გჷშეშქვინჷ	2015
მედია	ქაღარდი

ჭუკეფიშ დო ადამიერეფიშ გეშა, (ინგლ. Of Mice and Men) — ჯონ სტეინბეკიშ რომანი (1937). რომანი გჷნმოჩანს ჟირი მუშაშ, ჯორჯ მილტონიშ დო ლენი სმოლიშ ისტორიას, ნამუეფქჷთ ომუშებშა კალიფორნიაშ ართ–ართ მორჩილ რანჩოშა მიდართეს.

ქიმინჯალა მეურს ამერიკაშ დიდი დეპრესიაშ ფონს, სოდე ადამიერეფს ხანგჷრძე სამუშაშ გორუა ოძნელუდეს დო სამუშას ირო ითირანდეს. თენა რე იანგე დნაშებუშ, ხვალეხეობაშ, იმენდიშ დო უიმენდობაშ გეშა. ნაწარმებუს ეჭარილი რე თიმ პერიოდიწ ელმაჸვენჯი მოლინეფი: რასიზმი, ხვალეხეობა, პიჯული დუდიშულაშო ბურჯაფი.

ავტორქ დუდჯოხო ეჭოფუ რობერტ ბერნსიშ ართ–ართი ლერსიშე (To a Mouse).

ეკრანიზაცია

რომანიშ მუსხირენ ეკრანიზაცია რსებენს. თიქ მუსხირენშახ დიდგინ ბროდვეის სპექტაკლიშ სახეთ. ჰოლივუდის — სუმი ფილმი გჷნიღეს თე რომანიშ მეჯინათ. თინეფშე არძაშე პოპულარული რე 1992 წანას გჷნოღალირი ფილმი, სოდე თარი პერსონაჟის – ლენი სმოლიშ როლს ჯონ მალკოვიჩი არსულენს.

პერსონაჟეფი

• ჯორჯ მილტონი (George Milton) — გეგია მუშა, ლენიშ მაჸალე. ირო ოხვრუ ლენის დო ირო ოცადუ თიშ თხილუას.
• ლენი სმოლი (თაშნეშე ლენი ჰილი, Lennie Small) — გონებურო აკოსქილადირი (ბორო), მარა ფიზიკურო ჭყანიერი მუშა, ჯორჯიშ მაჸალე. ლენი ირო ორცებენს დორხველი ფერმაშე დო ჸუდეშ ჩხოლარეფშე.
• ქენდი (თაშნეშე პლიუმი, ნახეჭობა, Candy) — რჩინი ხვალეხე მუშა.
• ქერლი (თაშნეშე გვეჯერე, Curley) — ფერმაშ მაღვენჯიშ ქომოლსქუა, ბოქსიორი.
• ქერლიშ ჩილი — ხვალეხე ოსური, ნამუქჷთ დორხველი ორცება ქერლიწკჷმა რინაშა გოთირუ.
• სლიმი (თაშნეშე უნჩაში, Slim) — არძაშე პატჷჩამილი, ჭყანიერი მუშა.
• კრუქსი (თაშნეშე პუხა, Crooks) — პუხა უჩაკანამი საბეკია.
• უიტი (Whit) — ფერმაშ მუშა.
• კარლსონი (Carlson) — ფერმაშ მუშა.

ლიტერატურა

• ჯონ სტეინბეკი, თაგვებსა და ადამიანებზე, თბილისი, გამომცემლობა „არტანუჯი“, 2015, ISBN 9789941445323

რესურსეფი ინტერნეტის

• გადაცემა "წიგნები" – ლევან ბერძენიშვილი ნაწარმოების შესახებ