ხვიმა

ვიკიპედია-შე
გეგნორთი: ნავიგაცია, გორუა
ხვიმა
ბჟაეიოლური ხვიმა
Diospyros kaki
მენცარული კლასიფიკაცია
ომაფე: ჩანარეფი
გჷნართი: პიორამეფი
კლასი: ჟირლებერამეფი
გვარი: ხვიმა
ლათინური ჯოხო
Diospyros
თხილუაშ სტატუსი

Wikispecies-logo.svg
სისტემატიკა
ვიკინერობეფს

Commons-logo.svg
სურათეფი
ვიკიოწკარუეს

ITIS 23853
NCBI 13492
ბჟაეიოლური ხვიმაშ (Diospyros Kaki) ნთელი დო გოჭკირილი გუმნაღელი.

ხვიმა (თაშნეშე ხომა, ხუმა) (ლათ. Diōspyros) — ჩანარეფიშ გვარი აბანოზიშობურეფიშ ფანიაშე. სუბტროპიკული დო ტროპიკული ჯალეფი დო ბართვეფი რე. ჩინებული რე 200-შახ გვარობაა; ჸოფილ სსრრ-შ ტერიტორიას — 3: იაპონური, კავკაციური დო ვირგინიული ხვიმა. თინეფშე ორთაშობურო ორდუ ხვალე რჩქვანელობური, ანუ კავკაციური ხომა (Diospyros lotus); მაღალი ჯა რე. თიში გუმნაღელი დუდშე მოჸვინთალე-მოჭითე დო წკვატე რე. მონდას მოუჩე-რუმე და ლენი ფერი გინოჸუნს, სოწკვატე ვაუღუ. ჩქინწკჷმა უმოსო ბჟადალ საქორთუოშ ტყალეფს ჩანს. გჷმირინუანა საჯინჯოთ. ვირგინიული ხვიმაშ (Diospyros virginiana) ოდაბადე ოორუე ამერიკაშ ცენტრალური ნორთი რე. იაპონური, ანუ ბჟაეიოლური ხვიმაშ (Diospyros kaki) ოდაბადე რე ჩინეთი, გოფაჩილი რე იაპონიასით. საქორთუოშა იაპონური ხვიმა დოხოლაფირო 100 წანაშ კინოხ მიშეღეს დო გოფაჩეს ბჟადალ საქორთუოს, კახეთიშ დო ქართლიშ კანკალე რაიონს. ხვიმაშ გუმნაღელი იკათუანს 25% შანქარს (ჩილა 60%-შახ), ვიტამინეფბს. იაპონური ხვიმაშ ჯიშეფი დორთილი რე 3 ბუნათდ: ჭაფურია, გვერდო ჭაფურია დო წკვატე.

ლიტერატურა[რედაქტირაფა | წყუშ რედაქტირაფა]