ჯამუ დო ქაშმირი

ვიკიპედია-შე
Jump to navigation Jump to search
ჯამუ დო ქაშმირი
დოგრი जम्मू और कश्मीर
ურდუ: جموں اور کشمیر‎‎
ლადაქ. ཇ་མུ་དང་ཀ་ཤི་མིར།
ინგლ. Jammu and Kashmir
გერბი
Seal of Jammu and Kashmir color.png
შილა
Jammu and Kashmir Flag (1952-2019).svg
ქიანა ინდოეთიშ შილა ინდოეთი
სტატუსი შტატი
ადმინ. ცენტრი * სრინაგარი (საზარხულო)
შხუ ნოღა სრინაგარი
შხუ ნოღეფი ჯამუ
მადუდე გუბერნატორი:
ნარინდერ ნათჩ ვოჰრა
თარი მინისტრი:
ომარ აბდულა
კანონმადვალუ ორკანო:
ჟირპალატიანი პარლამენტი (89+36)
ოფიც. ნინეფი დოგრი, ქაშმირული, ურდუ
მახორობა (2011)
12 548 926 (19-ა აბანი)
მეჭედალა 56,47 კოჩი/კმ²
ფართობი 222 236 კმ² (6-ა აბანი)
ჯამუ დო ქაშმირი რუკას
ბორჯიშ ორტყაფუ +5:30
კოდი ISO 3166-2 IN-JK
ოფიციალური ვებ-ხასჷლა
Commons-logo.svg ჯამუ დო ქაშმირი

ჯამუ დო ქაშმირი (დოგრი जम्मू और कश्मीर, ურდუ: جموں اور کشمیر‎‎, ლადაქ. ཇ་མུ་དང་ཀ་ཤི་མིར།, ინგლ. Jammu and Kashmir) — შტატი ინდოეთიშ ოორუეს. შტატიშ უდიდაში ნოღა დო საზარხულო ნანანოღა — სრინაგარი, საზოთო ნანანოღა - ჯამუ. შტატიშ მახორობა — 12 548 926 ადამიერი (19-ა აბანი შტატეფს შქას; 2011 წ.).

შტატი იდვალუაფუ ჰიმალაიშ გვალეფს. ჯამუ დო ქაშმირს ბჟაეიოლშე უხურგანს ჩინეთიშ ოკათე რესპუბლიკა, ობჟათეშე - ჰიმაჩალ-პრადეშიშ დო პენჯაბიშ შტატეფი, ოორუეშე დო ბჟადალშე - პაკისტანი. ჸოფირი ჯამუ დო ქაშმირიშ სათაროშ ტერიტორიაშ ედომუშამი ვარდა ნორთობურ დორხველობას, პაკისტანი დო ჩინეთი ინდოეთის ონირზჷნა. პაკისტანი, ინდოეთიშე კონტროლირაფონი ჯამუ დო ქაშმირიშ შტატიშ ნორთის, ოკუპირაფილ ტერიტორიათ კოროცხჷნს[1]. პაკისტანშე კონტროლირაფონი ქაშმირიშ ნორთი, გორთილიე აზად ქაშმირო დო გილგიტ-ბალტისტანო. მუშჸურე, ჩინეთის ოკუპირაფილ აფჷ მერკეთდოხორელი, მარა სტრატეგიულო შანულამი რაიონი აქსაიჩინი, თაშნეშე მაღალგვალამი ტერიტორიაშ ნორთი.

გეოგრაფია დო კლიმატი[რედაქტირაფა | წყუშ რედაქტირაფა]

ჯამუ დო ქაშმირიშ ტერიტორიას იდვალუაფუ ქაშმირიშ ლეხერი, ტავიშ ლეხერი, ჩენაბიშ ლეხერი, პუნჩიშ ლეხერი, სინდიშ დო ლიდერიშ ლეხერეფი. თარი ქაშმირიშ ლეხერიშ სიფართე 100 კმ. დო 15 520,3 კმ² ფართობი რე. ლეხერი ოორუე-ბჟაეიოლშე მითმიარსხუაფუ ჰიმალაეფს. ოშქაშე სიმაღალა დოხოლაფირო ომაგჷ 1850 მეტრას, პირ-პანჯალიშ რაიონს - 5000 მეტრას. ჯელამი ჰიმალაიშ უშხუაში წყარმალუ რე, ნამუთ გჷშმახჷრჷჩანს ქაშმირიშ ლეხერს. წყარმალუეფი ინდი, ტავი, რავი დო ჩენაბი თარი წყარმალუეფი რენა, ნამუთ შტატის გჷშმახჷრჩანან. ჯამუ დო ქაშმირსმუსხირენი ჰიმალაიური ჯიშთი იდვალუაფუ. ზუღაშ დონეშე, მუშ ოშქაშე სიმაღალათ, 5753 მ., ჯიშთი სიჩენი, ნამუთ სიგჷრძათ 70 კილომეტრი რენ, უგჷრძაშიე ჰიმალაეფს.

ჯამუ დო ქაშმირიშ შტატიშ კლიმატი, მაღალი ორტყაფუობაშ გეშა ირო ითირუ. ობჟათეშე, ჯამუშ ელმოლს, კლიმატი რჩქვანელობურო მუსონურიე. ჩხე სეზონს, ჯამუს ძალამი სინჩხე რე დო ტემპერატურაქ შილებე 40 °C-შახ იუასი (კვირკვეს დო მარაშინათუთას).

სქოლიო[რედაქტირაფა | წყუშ რედაქტირაფა]

  1. cite web|url=http://www.mofa.gov.pk/Pages/Brief.htm%7Cwork=Official website of the Ministry of foreign affairs, Pakistan|title=Kashmir Dispute: Background|accessdate=2009-01-13|deadlink=404|archiveurl=http://web.archive.org/20080516030546/www.mofa.gov.pk/Pages/Brief.htm%7Carchivedate=2008-05-16

რესურსეფი ინტერნეტის[რედაქტირაფა | წყუშ რედაქტირაფა]