ინდოეთიშ ადმინისტრაციული დორთუალა

ინდოეთიშ ადმინისტრაციული დორთუალა — ინდოეთიშ ადმინისტრაციულ დორთუალაშ მაართა დონე. ინდოეთი ფედერალური სახენწჷფო რე. ქიანა აკმოდირთუ 28 შტატიშე დო 8 მორსხუ ტერიტორიაშე (თინეფს შქას 7 მორსხუე ტერიტორიაშე დო ართი ერუანული ნანანოღაშ ოლქიშე - დელი). მუშჸურე, არძო შტატი დორთილი რე ოლქეფო (დისტრიქტეფი), ნამუშ ედომუშამი მუდანობა 642-ის აკმადგინანს.

ხეშუულობაშ ორგანოეფი

შტატეფს მუნეფიშ კანონმადვალუ დო ემაჸონაფალი ხეშუულება ჸუნს. შტატიშ იერარქიული პირამიდაშ კონკას გუბერნატორი გერე, ნამუსჷთ დუთმარჷნუანს ინდოეთიშ პრეზიდენტი ხუთ წანაშ ხანით. გუბერნატორი შტატიშ თარობას აკმოქიმინუნს დო დუთმარჷნუანს შტატიშ თარ მინისტრის, ნამუთ ეშიგორუაფუ აბანობურ გიშაგორუეფს გომორძგუაფილი პოლიტიკური პარტიაშ მაკათურეფშე. შტატეფს ართ ვარდა ჟირპალატიანი პარლამენტეფი ჸუნს. შტატიშ პარლამენტიშ გიმენ პალატას ჯოხო ვიდჰან საბჰა დო ინდური კანონდვალუაშ მეჯინათ, შილებე იკათუანდასჷნ 60-შე 500-შახ მაკათურს. შტატიშ პარლამენტიშ გიმენ პალატა გიშეგორუაფუ საარძო გიშაგორუეფით, ხუთ წანაშ ხანით. შტატიშ პარლამენტიშ ჟილენ პალატას ჯოხო ვიდჰან პარიშადი დო თიშ მაკათურეფი ამშვ წანაშ ხანით გიშეგორუაფუ, თეწკჷმა ართო ირ 2 წანაშე ართშა, არძო მაკათურიშ ნასუმორი კინე გიშეგორუაფუ. შტატეფიშ პარლამენტეფს ისხუნუაფჷ არძო საკითხი, გალენურ პოლიტიკაშ, სახენწჷფო უშქურანჯობაშ, გალენურ ვაჭრობუაშ დო ომენოღალობაშ მოხ, ნამუთ მორსხუე ინდოეთიშ პარლამენტიშ იურისდიქციაშ გიმე რე.

მორსხუე ტერიტორიეფს, თაშნეშე ერუანულ ნანანოღურ ოლქის მართუნა ჩინოვნიკეფი, ნამუთ წმმარინუანა ინთოეთიშ თარობას — კომისარეფი ვარდა ადმინისტრატორეფი. კანკალე ტერიტორიას მუში პარლამენტი დო თარობა ჸუნს, ნამუსჷთ ძალამი გოხურგელი ნებაგოქუნელობეფი უღუ; მორჩილ მორსხუე ტერიტორიეფს თეჯგურა ხეშუულებაშ ორგანოეფი ვაჸუნს. მორსხუე ტერიტორიეფს ინდოეთიშ რესოუბლიკაშ ფედერალური კანონდვალუა მოქიმინჯენს.

ნინეფი

კანკალე შტატის დო ტერიტორიას, ედომუშამინდური ოფიციალური ნინეფიშ მოხ, ანუ ჰინდიშ დო ინგლისურიშ მოხ, თაშნეშე ოფიციალურო შილებე აღიარაფილი რდას გეძინელი ნინეფი, ნამუთ დუმახასიათაფალი რე მოჩამილი რეგიონიშ მახორობაშო.

ადმინისტრაციული დორთუალაშ გიშაკერძაფილობა

ინდოეთიშ შტატეფი (ინგლ. state, ჰინ. प्रांत — prant) ართიანშე ძალამი გიშაკერძილი რენა. თინეფშე მახორობაშ მეჯინათ უდიდაში შტატეფი, მოსოფელიშ უშხუაში ადმინისტრაციული ართაულეფი რენა — მოსოფელიშ ვით არძოშე მეჭედელო დოხორელი ადმინისტრაციული ართულეფი რე ინდოეთიშ შტატეფი - უტარ-პრადეში, ნამუშ მახორობა 180 მილიონ ადამიერშე უმოსი რე დო თე ერკებულიშ მაართა აბანსი რე, მაჰარაშტრა მაჟირა აბანს იკენს.

კანკალე ინდოეთიშ შტატეფიშ ტერიტორიაშ ფართობი, კანკალე ევროპული ქიანაშ ფართობის ვადმაკორდუ (სამანგათ, შტატ რაჯასტანს პოლონეთიშ უმოსი ფართობი უკებჷ). კანკალე მორჩილი შტატიშ ტერიტორიაშ ფართობი სააწმარენჯოთ, მუსხირენ ვითოში კვ. კმ. ფართობის აკმადგინანს.

ინდოეთიშ მორსხუე ტერიტორიეფი (ინგლ. territory, ჰინ. केन्द्रीय सरकार — kendriy sarkar) უმოსი ართობური რე, ვინემ შტატეფი — თინეფი ფართობით მუსხირენ ვითოში კმ² რე, მახორობაშ მუდანობათ - 1,1 მლნ მახორუ რე (გიშართილი რე — ნანანოღური ოლქი დელი, ნამუშ მახორობა 16 მლნ ადამიერშე უმოსი რე).

ინდოეთიშ შტატეფიშ დო მორსხუე ტერიტორიეფიშ ერკებული

მარგალური ჯოხო	აბანობური ჯოხო	ნანანოღა	ფართობი	მახორობა(2007)
შტატეფი
ანდჰრა-პრადეში	ინგლ. Andhra Pradesh ჰინ. आन्ध्र प्रदेश ტელუგუ ఆంధ్ర ప్రదేశ్ ურდუ آندھرا پردیش	ვიჯაიავადა	160 205	49 665 533
არუნაჩალ-პრადეში	ინგლ. Arunachal Pradesh ჰინ. अरुणाचल प्रदेश	იტანაგარი	83743	1 230 660
ასამი	ინგლ. Assam ჰინ. असम ასამ. অসম	დისპური	78438	28 729 164
ბიჰარი	ინგლ. Bihar ჰინ. बिहार	პატნა	99200	94 129 492
გოა	ინგლ. Goa ჰინ. गोवा კონკანი गोंय მარათჰი गोवा	პანაჯი	3702	1 433 952
გუჯარათი	ინგლ. Gujarat ჰინ. गुजरात გუჯარათი ગુજરાત	განდინაგარი	196024	55 696 629
ჯარხანდი	ინგლ. Jharkhand ჰინ. झारखंड	რანჩი	74677	29 863 038
ბჟადალი ბენგალი	ინგლ. West Bengal ჰინ. पश्चिम बंगाल ბენგალ. পশ্চিমবঙ্গ	კოლკატა	88752	86 787 185
კარნატაკა	ინგლ. Karnataka ჰინ. कर्नाटक კანადა ಕರ್ನಾಟಕ	ბანგალორი	191791	56 788 225
კერალა	ინგლ. Kerala ჰინ. केरल მალაიალამ. കേരളം	ტირუვანანტაპურამი	38863	32 976 282
მადჰია-პრადეში	ინგლ. Madhya Pradesh ჰინ. मध्य प्रदेश	ბჰოპალი	308252	67 350 486
მანიპური	ინგლ. Manipur ჰინ. मणिपुर მანიპური মনিপুর	იმპჰალი	22327	2 722 938
მაჰარაშტრა	ინგლ. Maharashtra ჰინ. महाराष्ट्र მარათჰი महाराष्ट्र	მუმბაი	307690	106 811 880
მეგჰალაია	ინგლ. Meghalaya ჰინ. मेघालय	შილონგი	22429	2 633 349
მიზორამი	ინგლ. Mizoram ჰინ. मिज़ोरम	აიჯალი	21081	1 018 406
ნაგალენდი	ინგლ. Nagaland ჰინ. नागालैंड	კოჰიმა	16579	2 585 906
ოდიშა	ინგლ. Orissa ჰინ. उड़ीसा ორია ଓଡ଼ିଶା	ბჰუბანეშვარი	155707	39 285 142
პენჯაბი	ინგლ. Punjab ჰინ. पंजाब პენჯაბ. ਪੰਜਾਬ	ჩანდიგარჰი	50362	26 434 809
რაჯასტანი	ინგლ. Rajasthan ჰინ. राजस्थान	ჯაიპური	342239	63 904 350
სიკიმი	ინგლ. Sikkim ჰინ. सिक्किम ნეპალი सिक्किम	განგტოკი	7096	622 831
ტამილნადუ	ინგლ. Tamil Nadu ჰინ. तमिलनाडु ტამილ. தமிழ்நாடு	ჩენაი	130058	64 881 871
ტელანგანა	ინგლ. Telangana ტელუგ. తెలంగాణ	ჰაიდარაბადი	114 840	35 286 757
ტრიპურა	ინგლ. Tripura ჰინ. त्रिपुराु ბენგალ. ত্রিপুরা	აგარტალა	10486	3 441 822
უტარაკჰანდი	ინგლ. Uttarakhand ჰინ. उत्तराखंड	დეჰრადუნი	51125	9 237 587
უტარ-პრადეში	ინგლ. Uttar Pradesh ჰინ. उत्तर प्रदेश ურდუ اتر پردیش	ლაქნაუ	243286	186 296 036
ჰარიანა	ინგლ. Haryana ჰინ. हरियाणा პენჯაბ. ਹਰਿਆਣਾ	ჩანდიგარჰი	44212	23 822 640
ჰიმაჩალ-პრადეში	ინგლ. Himachal Pradesh ჰინ. हिमाचल प्रदेश	შიმლა	55673	6 552 621
ჩატისგარჰი	ინგლ. Chhattisgarh ჰინ. छत्तीसगढ	რაიპური	135194	22 529 537
მორსხუე ტერიტორიეფი
ანდამანიშ დო ნიკობარიშ კოკეფი	ინგლ. Andaman and Nicobar Islands ჰინ. अंडमान और निकोबार द्वीप समूह	პორტ-ბლერი	8249	405 525
დადრა დო ნაგარ-ჰაველი დო დამანი დო დიუ	ინგლ. Dadra and Nagar Haveli and Daman and Diu ჰინ. दादरा और नगर हवेली और दमन और दीव	დამანი	603	585 764
ლადაქი	ინგლ. Ladakh ტიბ. ལ་དྭགས་, ვაილი la dwags ჰინ. लदाख ურდუ: لدّاخ‎‎	ლეჰი	86 904	274 289
ლაქშადვიპი	ინგლ. Lakshadweep ჰინ. लक्षद्वीप მალაიალამ. ലക്ഷദ്വീപ	კავარატი	32	65 545
პონდიშერი	ინგლ. Pondicherry ჰინ. पांडिचेरी ფრანგ. Pondichéry მალაიალამ. പുതുച്ചേരി ტამილ. புதுச்சேரி} ტელუგუ పుదుచ్చేర	პუდუჩერი	492	1 071 578
ჩანდიგარჰი	ინგლ. Chandigarh ჰინ. चंडीगढ़ პენჯაბ. ੰਡੀਗੜ੍ਹ	ჩანდიგარჰი	114	1 074 625
ჯამუ დო ქაშმირი	ინგლ. Jammu and Kashmir ჰინ. जम्मू और कश्मीर ურდუ: جموں و کشمیر‎‎ ქაშმ. جۄم تٕ کٔشېر	სრინაგარი	42 241	12 258 433
ერუანული ნანანოღაშ ოლქი
დელი	ინგლ. Delhi ჰინ. दिल्ली ურდუ دلی პენჯაბ. ਦਿੱਲੀ	დელი	1483	16 862 735