ჯასტინ ტრიუდო

ვიკიპედია-შე
გეგნორთი: ნავიგაცია, გორუა
ჯასტინ ტრიუდო
Justin Trudeau
ჯასტინ ტრიუდოJustin Trudeau
ჯასტინ ტრიუდო 2014 წანას
Coat of arms of Canada rendition.svgკანადაშ 23-ა პრემიერ-მინისტრიFlag of Canada.svg
თეჟამიანი პოსტი
დეკინჷ 20 გჷმათუთა, 2015
მონარქი   ელისაბედ II
წიმოხონი სტივენ ჰარპერი


დუნაბადი 25 ქირსეთუთა, 1971 (1971-12-25) (ხანი 45)
ოტავა, კანადა
მენოღალობა კანადაშ შილა კანადა
პოლიტიკური პარტია კანადაშ ლიბერალური პარტია
მუმა პიერ ტრიუდო
ნანა მარგარეტ სინქლერ ტრიუდო კემპერი
ალმასქუ სოფი გრეგუარი
სქუალეფი 3
პროფესია მარწაფალი
საქვარუა პოლიტიკა
რელიგია კათოლიკე
ვებ-საიტი ოფიციალური ვებ-ხასჷლა

ჯასტინ (ჟუსტენ) პიერ ჯეიმს ტრიუდო[1] (ინგლ. Justin Pierre James Trudeau; 25 ქირსეთუთა, 1971, ოტავა) — კანადარი პოლიტიკოსი, კანადაშ ლიბერალური პარტიაშ ლიდერი 2013 წანაშ 14 პირელშე. კანადაშ ჸოფილი პრემიერ-მინისტრიშ პიერ ელიოტ ტრიუდოშ უნჩაში ქომოლსქუა. კანადაშ ლიბერალურ პარტიაქ ჯასტინ ტრიუდოშ დუდალათ 2015 წანაშ საპარლამენტო გიშაგორუეფს გიმორძგუ, დო თეშნერო ტრიუდოქ კანადაშ ისტორიას მაჟირა არძაშე ახალნორდი პრემიერ-მინისტრო გჷნირთჷ (ჯო კლარკიშ უკული, ნამუქჷთ კანადაშ პრემიერ-მინისტრიშ პოსტი დეკინჷ 40 წანაშ ხანს, 1979 წანას).

ბიოგრაფია[რედაქტირაფა | წყუშ რედაქტირაფა]

ჟან-დე-ბრებეფიშ კოლეჯიშ ოშქაშე სკოლაშ თებაშ უკული, მაკგილიშ უნივერსიტეტის ინგლისური ლიტერატურაშ ბაკალავრიშ ხარისხი ეჭოფჷ დო ბრიტანეთიშ კოლუმბიაშ უნივერსიტეტის - პედაგოგიკაშ ბაკალავრიშ ხარისხი.

სოციალურ რკვიეფს ამანჯენდჷ, ვესტ პოინტ გრეიშ აკადემიას დო ვანქუვერს, უინსტონ ჩერჩილიშ ჯოხონობაშ ოშქაშე სკოლას ფრანგულ ნინას დო მათემატიკას ოგურუანდჷ . 2002 წანაშე, 2 წანაშ გოძვენას, მონრეალიშ პოლიტექნიკურ სკოლას საინჟინერო საქვარს გურაფულენდჷ. 2004 წანას, მუშენდჷ რადიოდგჷმილი CKAC-ს. 2005—2006 წანეფს, მაკგილიშ უნივერსიტეტის "ელმოლი ორთაშ გეოგრაფიაშ" (Environmental Geography) სპეციალობათ მაგისტრატურას გურაფულენდჷ.

მუში რინა[რედაქტირაფა | წყუშ რედაქტირაფა]

ჯასტინ ტრიუდო დო მუში ალმასქუ სოფი გრეგუარი ტორონტოშ კინოფესტივალს (2008)

ჯასტინიშ მასქერეფქ ართიანს დეთხიეს, მუჟამსჷთ ჯასტინი 6 წანერი რდჷ. ჯასტინიშ ჯიმალეფი — ალექსანდრი (დ. 25.12.1973, ჟურნალისტი დო რეჟისორ-დოკუმენტალისტი) დო მიშელი (2.10.1975 — 13.11.1998, სტუდენტი, თხილამურეფით სიონტიშ ბორჯის გიმნაველი შვეს ქათაჸუნ დო დოღურჷ, თიში რსხულქ ვა აგორეს).

2005 წანაშ 28 მესიშე ალმასქუთ ჸუნს ჸოფილი ტელემაჸვენჯი დო ფოტომოდელი სოფი გრეგუარი, ჸუნს სუმი სქუა:

  • ქომოლსქუა ქსავიერ ჯეიმსი (18.10.2007);
  • ცირასქუა ელა-გრეის მარგარეტი (05.02.2009)[2];
  • ქომოლსქუა ადრიანი (28.02.2014)[3].

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. ინგლისურო ჯოხო გჷმირაგადუაფუ — "ჯასტინ", ფრანგულო გჷმირაგადუაფუ მუჭოთ "ჟუსტენ", მარა შეთმეფხვადჷნა ჯოხო "ჯასტინი"
  2. Justin and Sophie Trudeau Welcome Daughter Ella-Grace
  3. Justin Trudeau welcomes baby son, Hadrian