ჯეიმზ კამერონი

ვიკიპედიაშე
ჯეიმზ კამერონი
ჯოხო დაბადებაშვანს

ჯეიმზ ფრენსის კამერონი

მოღალობა

რეჟისორი, კინოპროდიუსერი, სცენარისტი დო მამონტაჟე

ბიოგრაფიული ჩინებეფი
დაბადებაშ თარიღი

16 მარაშინათუთა, 1954 (1954-08-16) (69 წანერი)

დაბადებაშ აბანი

კაპუსკასინგი, ონტარიო, კანადა

მენოღალობა

1978 - ამდღარშა

ალმასქუ

შერონ უილიამსი (1978–1984)
გეილ ან ჰარდი (1985–1989)
კეტრინ ბიგელო (1989–1991)
ლინდა ჰამილტონი (1997–1999)
სუზი ამისი (2000–ამდღარშა)

ჯილდოეფი:

ოსკარი, ორქოშ გლობუსი


ჯეიმზ კამერონი (დ. 16 მარაშინათუთა, 1954) — კანადარი რეჟისორი, კინოპროდიუსერი, სცენარისტი დო მამონტაჟე. თიში ჩინებული ნახანდეფი რე ტერმინატორი (1984), აჯამეფი (1986), ტერმინატორი-2: დღანარკვანიშ დღა (1991), ნანდული ტყურეფი (1994), ტიტანიკი (1997) დო ავატარი (2009). ავატარი რე მაართა მაღალმიშმალამი ფილმეფიშ ერკებულს. ეოშინალი რე, ნამჷ-და თის გეთხოზუ კინი კამერონიშ ნახანდი ტიტანიკი. კამერონიშ ფილმეფიშ საართო მიშმალუ ამერიკაშ ფარგალეფს 1,69 მილიარდ დოლარს ონჭჷ, მოსოფელიშ მასშტაბით აკანო 4,85 მილიარდის. ფილმიშო „ტიტანიკი“ კამერონს მეღებულ აფჷ სუმი ოსკარი. მაართა საუჯგუშო მონტაჟიშო (ირთუნდჷ კონრად ბაფწკჷმა დო რიჩარდ ჰარისწკჷმა), მაჟირა საუჯგუშო სურათიშო (ირთუნდჷ ჯონ ლანდოწკჷმა), მასმა საუჯგუშო რეჟისურაშო. ათე ფილმიშო თიქი ხოლო დეინალჷ ორქოშ გლობუსი. 2010 წანას კამერონი ხოლო ართშა დეჯილდოუ ორქოშ გლობუსით, ათეჟამო ფილმიშო ავატარი, ნამუქჷთ 2009 წანას გიშართჷ სუმგოზჷმილაფას. კამერონი გურგინაფილი რდჷ ხუთშა. თინეფი შქას ლინდა ჰამილტონი, ნამუქჷთ ილაჸაფჷ ფილმეფს „ტერმინატორი“ დო „ტერმინატორი-2: დღანარკვანიშ დღა“ სარა კონორიშ როლი. კამერონს დო ჰამილტონს ჸუნა ართი ცირასქუა. ეკონია ოსურწკჷმა, სუზი ამისწკჷმა ჸუნს ართი ქომოლსქუა დო ჟირი ცირასქუა.

რესურსეფი ინტერნეტის[რედაქტირაფა | წყუშ რედაქტირაფა]