სიდნი პოლაკი
| სიდნი პოლაკი | |
 სიდნი პოლაკი 2006 წანას | |
| მოღალობა |
რეჟისორი, პროდიუსერი, არტისტი |
|---|---|
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| ღურაშ თარიღი |
მესი 26, 2008 (73 წანერი) |
| ღურაშ აბანი | |
| მენოღალობა |
1950–2008 |
| ჯილდოეფი: | |
სიდნი ირვინ პოლაკი (ინგლ. Sydney Pollack; დ. 1 მანგი, 1934 — რ. 26 მესი, 2008) — ამერიკალი რეჟისორი, პროდიუსერი დო არტისტი.
სიდნი პოლაკის გინოღალირი აფუ 21-შე უმოსი კინოფილმი დო 10 ოტელევიზიე შოუ, ილაჸაფჷ 30-შე უმოსი ფილმის დო შოუს, პროდიუსერალა მიკორთჷ 44-შე უმოსი ფილმის. გინოღალირი აფუ ფილმეფი „იერემია ჯონსონი“ (1972), „კონდორიშ სუმი დღა“ (1975), „უბადობაშ უმშ“ (1981) დო შხვა. გიმორძგჷ ოსკარი 1985 წანაშ ფილმიშო „აფრიკაშე“; ფილმეფიშო „ხომ ჸვილუნა უქანცე ცხენეფს?“ დო „ტუტსი“ ოსკარიშ ნომინაცია მიღჷ.
ბიოგრაფია
[რედაქტირაფა | წყუშ რედაქტირაფა]სიდნი ირვინ პოლაკიქ ინდიანიშ შტატიშ ნოღა ლაფაიეტის, 1934 წანაშ 1 მანგის, ურიულ ფანიას დებადჷ, ნამუთ უკრაინაშე რდჷ მუნაულა.[1] დიდა, — რებეკა პოლაკი, — პიანისტი დო მობირე, მამა — დევიდ პოლაკი, — გვერდოპროფესიონალი ლიკვით მარკინე დო ფარმაცევტი რდჷ.[1] ჭიჭენობას, მასქერეფქ დეთხისჷ. სიდნიშ დიდა ალკოჰოლიკი რდჷ დო 37 წანაშ ასაკის ღურჷ, მუჟამსჷთ მუმალი რეჟისორი სტუდენტი რდჷნ.[2]
ოროიანი გეგმეფიშ უმიკუჯინუო, კოლეჯის დო ომედიცინე სკოლას უგურუაფუდუკონ, სკოლაშ თებაში უკული, სიდნიქ ინდიანა დიტუ დო ნიუ-იორკიშა გინორთჷ.[3] 1952-1954 წანეფს ოარტისტეს გურაფლენდჷ სენფორდ მეისნერწკჷმა.[3] 2-წანიანი ოურდუმე სამუშაშ უკული, სიდნიქ 1958 წანას დირთჷ ნიუ-იორკიშა დო მეისნერიშ ასისტენტიქ იჸუ.[4] 1960 წანას პოლაკიშ მაჸალექ რეჟისორქ ჯონ ფრანკენჰაიმერქ თის ლოს-ანჯელესშა ულა დო ახალი არტისტეფწკჷმა მუშობა მიარზიუ მუში მაართა დიდ სურათის „ახალი ვეეფი“. წორო თიმწკჷმა ახვადჷ სიდნი ბერტ ლანკასტერს, ნამუქჷთ თის რეჟისორალა ალუჩჷ.[4]
ფილმოგრაფია
[რედაქტირაფა | წყუშ რედაქტირაფა]| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 1966 | ფ | გიმოჩამილი რე | This Property Is Condemned | რეჟისორი |
| 1969 | ფ | ხომ ჸვილუნა უქანცე ცხენეფს? | They Shoot Horses, Don't They? | რეჟისორი |
| 1975 | ფ | კონდორიშ სუმი დღა | Three Days of the Condor | ტაქსის მძღოლი / რეჟისორი |
| 1981 | ფ | ღვანძგიშ უმშო | Absence of Malice | რეჟისორი |
| 1982 | ფ | ტუტსი | Tootsie | ჯორჯ ფილდსი / რეჟისორი, პროდიუსერი |
| 1985 | ფ | აფრიკაშე | Out of Africa | რეჟისორი, პროდიუსერი |
| 1992 | ფ | ქომოლეფი დო ჩილეფი | Husbands and Wives | ჯეკი |
| 1992 | ფ | მალაჸაფე | The Player | დიკ მელონი |
| 1993 | ფ | ფირმა | The Firm | რეჟისორი, პროდიუსერი |
| 1995 | ფ | საბრინა | Sabrina | რეჟისორი, პროდიუსერი |
| 1998 | ფ | ომენოღალე ლჷმა | A Civil Action | ალ ეუსტისი |
| 1999 | ფ | ფართას წკურელი თოლეფი | Eyes Wide Shut | ვიქტორ ციგლერი |
| 2003 | ფ | რგილი გვალა | Cold Mountain | პროდიუსერი |
| 2007 | ფ | მაიკლ კლეიტონი | Michael Clayton | მარტი ბახი / პროდიუსერი |
| 2008 | ფ | მაკითხე | The Reader | პროდიუსერი |
| 2011 | ფ | მარგარეტი | Margaret | პროდიუსერი |
'
რესურსეფი ინტერნეტის
[რედაქტირაფა | წყუშ რედაქტირაფა]
- სიდნი პოლაკი — კინოფილმეფიშ ინტერნეტ მუნაჩემეფიშ ბაზას (ინგლისური) .
- სიდნი პოლაკი საიტის Discogs.
- სიდნი პოლაკიშ ბიოგრაფია, biography.com.
სქოლიო
[რედაქტირაფა | წყუშ რედაქტირაფა]- 1 2 MacNab, Geoffrey. “The secret of my success?“, The Guardian, 2002-08-14.
- ↑ McLellan, Dennis. “Sydney Pollack: 1934-2008, Prolific director known for A-list casts“, Los Angeles Times, 2008-05-27.
- 1 2 Macnab, Geoffrey. “Sydney Pollack, film director revered by stars, dies aged 73“, The Independent, 2008-05-28.
- 1 2 “Obituary: Sydney Pollack“, The Telegraph, 2008-05-28.