ჯეიმზ ფრანკო

ვიკიპედიაშე
ჯეიმზ ფრანკო

დაბადებაშ ჯოხო ჯეიმზ ედვარდ ფრანკო
დაბადებაშ აბანიპალო ალტო, კალიფორნია, ააშ
დებადჷ 19 პირელი, 1978 (1978-04-19) (45 წანერი)
საქვარუა არტისტი, რეჟისორი, სცენარისტი, პროდიუსერი, ხანტუ
აკოქიმინჯალაშ წანეფი 1997–ასეშა
ორქოშ გლობუსიშ ჯილდოეფი
ორქოშ გლობუსი

ჯეიმზ ედვარდ ფრანკო (ინგლ. James Franco; დ. 19 პირელი, 1978) — ამერიკალი არტისტი, რეჟისორი, სცენარისტი, პროდიუსერი დო ხანტუ.

ბიოგრაფია[რედაქტირაფა | წყუშ რედაქტირაფა]

ოარტისტე მოღალობა დიჭყჷ გვიანო 90-იან წანეფს, მუჟამსჷთ ქაკათჷ ოტელევიზიე სერიალს Freaks and Geeks დო მუსხირენ ახალურ ფილმის. 2001 წანას ფრანკოქ არსულჷ თარი როლი მარკ რიდელიშ გინოღალირი ოტელევიზიე ბიოგრაფიულ ფილმის ჯეიმზ დინი, მუთით თიქი დეინალჷ ორქოშ გლობუსი ნომინაციას საუჯგუშო არტისტი მინისერიალს ვარდა ოტელევიზიე ფილმის.

ფრანკოშ ოწოხოლე არძაქ კითი მოღირიკჷ მარველიშ კომიქსეფიშ პერსონაჟ ბორბოლია-კოჩიშენ გინოღალირი ტრილოგიას ჰარი ოზბორნიშ როლიშ რსულებათ. ათეშ უკული, თიქი აკათჷ ოურდუმე ფილმის დიდი რეიდი (2005), რომანტიკულ დრამას ტრისტანი დო იზოლდა, დო ჯასტინ ლინიშ დრამას ანაპოლისი (2006). 2008 წანას თიქი ილაჸაფჷ კომედიას ანანასიშ ექსპრესი დო დეინალჷ მაჟირა ორქოშ გლობუსი, ათეჟამს ნომინაციას - საუჯგუშო ქომოლკოჩი არტისტი მიუზიკლის ვარდა კომედიას. ათე წანას თიქი ილაჸაფჷ დენი ელფმენი ბიოპიკის მილკი. 2010 წანას ფრანკოქ თარი როლი არსულჷ ფილმის 127 სათი, ნამუთ დორსხუაფილი რე ნანდული ამბეს, ამერიკალი გვალაშ მალუ აარონ რელსტონიშ გეშა. ათე როლიშ რსულებაშო თიქი დეინალჷ ოსკარისა[1] დო ორქოშ გლობუსიშ ნომინაციეფი.

2011 ფრანკოქ უმენძელჷ ოსკარიშ 83-ა დოჯილდაფას ენ ჰეთეუეიწკჷმა ართო. ოშინალი რე, ნამდა ათე ბორჯის თინა ნომინირაფილი რდჷ ოსკარს საუჯგუშო არტისტი კოჩიშო.[1]

ფილმოგრაფია[რედაქტირაფა | წყუშ რედაქტირაფა]

წანა მარგალურო ოდაბადური ჯოხოდვალა როლი
2002 ბორბოლია-კოჩი Spider-Man ჰარი ოზბორნი
2006 ბორბოლია-კოჩი 2 Spider-Man 2 ჰარი ოზბორნი
2007 ბორბოლია-კოჩი 3 Spider-Man 3 ჰარი ოზბორნი
2008 მილკი Milk სკოტ სმითი
2010 ჭკომი ილორსი ქიჸოროფე Eat Pray Love დევიდი
2010 127 სათი 127 Hours არონ რალსტონი
2011 ქიეფიშ პლანეტაშ ებუძოლი Rise of the Planet of the Apes უილ როდმანი
2013 გიშულირიშ არდადეგეფი Spring Breakers უცხო
2013 დინახლენი ფრონტი Homefront გეიტორ ბონდი
2014 ინტერვიუ The Interview დევიდ სკაილარკი
2015 ტიოზიშ დიაფალი Queen of the Desert ჰენრი კადოგანი
2015 იფრელი ჯგირო იჸი Every Thing Will Be Fine ტომასი
2015 მა ვორექ მაიკლი I Am Michael მაიკლ გლეიცი

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]

  1. 1.0 1.1 Nominations by Category - 83rd Awards. დოარქივაფილი რე ორიგინალშე 2011-03-04-ს. კითხირიშ თარიღი: 2011-01-25.