127 სათი

127 სათი
ჟანრი:	ბიოგრაფიული, ოდუდსგინალე
რეჟისორი:	დენი ბოილი
პროდიუსერი:	კრისტიან კოლსონი ჯონ სმითსონი დენი ბოილი შარან კაპური
სცენარიშ ავტორი:	დენი ბოილი საიმონ ბეფო
თარ როლეფს:	ჯეიმზ ფრანკო ქეით მარა ამბერ ტამბლინი კლემანს პოეზი
კომპოზიტორი:	ა. ე. რაჰმანი
მონტაჟი:	ჯონ ჰარისი
კინოსტუდია:	Cloud Eight Decibel Films Darlow Smithson Productions HandMade Films Film4 Productions
გჷშულაშ თარიღი:	გერგობათუთა 12, 2010 (2010-11-12)
ხანგჷნძარალა:	94 წნ
ქიანა	ააშ გოართიანაფილი ომაფე
ნინა:	ინგლისური
მუშნალი:	21 129 149 მლნ $
IMDb პროფილი

127 სათი (ინგლ. 127 Hours) — 2010 წანაშ ბიოგრაფიული, ოდუდსგინალე ფილმი, ნამუშ რეჟისორი რე დენი ბოილი. სიუჟეტი რე ნანდული ისტორია, ალპინისტ აარონ რალსტონიშ გეშა, ნამუსით 2003 წანაშ პირელს კანიონლენდსის, იუტას, ველისპეტით შარობუას ბერქ გიანთხჷ დო ხუთ დღაშე უმოსოს თექ გიჭკადჷ. ფილმიშ სცენარი, ნამუთ დორსხუაფილი რე რალსტონიშ ავტობიოგრაფიულ წინგის „ბერს დო მანგარ დიხაშ შქას“, ორხველნა ბოილს დო საიმონ ბეფოს, ნამუთ ხოლო მუშენდჷ ბოილიშ წოხოლენ ორეჟისორე ნახანდის „დაღარი მილიონერი“. ფილმის თარი როლს არსულენს ამერიკალი არტისტი ჯეიმზ ფრანკო.

სურათიშ პრემიერაქ იჸუ 4 ეკენიას, 5 გერგობათუთას ნიუ-იორკის დო ლოს ანჯელესიშ მუსხირენ კინოთეატრეფს დიჭყჷ თიში ძირაფაქ. 12 გერგობათუთას კინოთეატრეფიშ რიცხვიქ 22-შა მიძინჷ, 19 გერგობათუთას 108-შა, 24 გერგობათუთას 279-შა. მოსოფელიშ კინოთეატრეფს ფილმიშ ედომუშამი გიშულა 2011 წანაშ 28 ღურთუთას რდჷ. ფილმის ჯგირ გჷმოხონარაფაქ აშუ. Rotten Tomatoes-შ მეჯინათ სურათიშ ფასებეფიშ 93% ჯგირი რე.

ოსკარიშ 83-ა დოჯილდაფას ფილმიქ 6 ნომინაცია დეინალჷ, თინეფ შქას საუჯგუშო სურათიშ, ადაპტირებული სცენარიშ დო საუჯგუშო არტისტი ქომოლკოჩიშ კატეგორიას.

სიუჟეტი

აარონ რალსონი 27 წანერი მეშარე რე. თინა იუტაშ შტატის, კანიონლენდსის ბლუჯონ კანიონს შარენს. თის 800 ფუტამი აგბალი გიანთხჷ ხეშა, მუშ გეშათ აარონს ვადაქანცინე. პრობლემას თინა ხოლო ოძინჷ, ნამდა აარონს მითინშა ვადუჩინუ, სოიშა მიშჷნ.

რესურსეფი ინტერნეტის

• ოფიციალური ვებ-ხასჷლა