ჯეიმს სამნერი

ვიკიპედიაშე
ჯეიმს ბატჩელერ სამნერი
ინგლ. James Batcheller Sumner
დაბადებაშ თარიღი:

19 გერგობათუთა, 1887

დაბადებაშ აბანი:

კანტონი, მასაჩუსეტსი, ააშ

ღურაშ თარიღი:

მარაშინათუთა 12, 1955 (67 წანერი)

ღურაშ აბანი:

ბუფალო, ნიუ-იორკიშ შტატი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ქიმია

სამუშაშ აბანი :

მაუნტ-ელისონიშ უნივერსიტეტი
კორნელიშ უნივერსიტეტი

ალმა-მატერი:

ჰარვარდიშ უნივერსიტეტი

ომენცარე ხემანჯღვერი:

ოტო ფოლინი

ჯილდოეფი დო პრემიეფი:

ნობელიშ პრემია ქიმიას (1946)

ჯეიმს ბატჩელერ სამნერი (ინგლ. James Batcheller Sumner; დ. 19 გერგობათუთა, 1887, კანტონი, მასაჩუსეტსი, ააშ — ღ. 12 მარაშინათუთა, 1955, ბუფალო, ნიუ-იორკიშ შტატი, ააშ) — ამერიკალი ქიმიკოსი. ჯეიმს სამნერქ დანტკიცჷ ნამდა, შილებედჷ ფერმენტეფიშ კრისტალიზაცია. სამნერი რდჷ მაართა მენცარი ნამუქით დანტკიცჷ ნამდა ფერმენტეფი ცილეფი რენა. ჸათე მენცარული რკვიებეფიშ გეშა გინოჩეს ნობელიშ პრემია ქიმიაშ დარგის 1946 წანას (ჯონ ჰოვარდ ნორთროპი დო უენდელ მერედით სტენლიწკჷმა ართო). ჯეიმს სამნერი გურაფულენდჷ ჰარვარდიშ უნივერსიტეტის, სოდეთ მიპალუ ბაკალავრიშ ხარისხი 1910 წანას. ჰარვარდიშ უნივერსიტეტის სამნერქ გეჩინებაფუ შინელი ქიმიკოსეფი: როჯერ ადამსი, ფარინგტონ დანიელსი, ფრენკ კლიფორდ უიტმორი, ჯეიმს ბრაიანტ კონანტი, ჩარლზ ლორინგ ჯეკსონი დო შხვეფი. გურაფაშ თებაშ უკულ ოგურუანდჷ მაუნტ-ელისონიშ უნივერსიტეტის. 1912 წანაშე გურაფა გაგინძორჷ ჰარვარდიშ უნივერსიტეტის, სოდეთ თხილუ ოდოქტორე დისერტაცია 1914 წანას. 1947 წანაშე სამნერი რდჷ კორნელიშ უნივერსიტეტიშ ფერმენტეფიშ ქიმიაშ ლაბორატორიაშ დირექტორი. ჯეიმს ბატჩელერ სამნერი რდჷ ამერიკაშ მენცარობაშ ერუანული აკადემიაშ დო ამერიკაშ მენცარობაშ დო ხელუანობაშ აკადემიაშ მაკათური.

ლიტერატურა[რედაქტირაფა | წყუშ რედაქტირაფა]

  • "Sumner, James B. (1887–1955)". Biographical Memoirs of the National Academy of Sciences. 31.

რესურსეფი ინტერნეტის[რედაქტირაფა | წყუშ რედაქტირაფა]