ჯონ გარნერი

ჯონ ნენს გარნერი John Nance Garner
გარნერი 1930-იან წანეფს
ააშ-იშ 32-ა ვიცე-პრეზიდენტი
პოსტის გერინაშ ბორჯი
4 მელახი, 1933 – 20 ღურთუთა, 1941
პრეზიდენტი	ფრანკლინ დელანო რუზველტი
წიმოხონი	ჩარლზ კერტისი
მონძე	ჰენრი უოლესი
ააშ-იშ წჷმმარინაფალეფიშ პალატაშ 39-ა სპიკერი
პოსტის გერინაშ ბორჯი
7 ქირსეთუთა, 1931 – 3 მელახი, 1933
წიმოხონი	ნიკოლას ლონგუორთი
მონძე	ჰენრი ტომას რეინი
წჷმმარინაფალეფიშ პალატაშ უჭიჭაშობაშ ლიდერი
პოსტის გერინაშ ბორჯი
4 მელახი, 1929 – 3 მელახი, 1931
წიმოხონი	ფაინის ჯეიმს გარეტი
მონძე	ბერტრან სნელი
წჷმმარინაფალეფიშ პალატაშ დემოკრატიული კოკუსიშ ლიდერი
პოსტის გერინაშ ბორჯი
4 მელახი, 1929 – 3 მელახი, 1933
წიმოხონი	ფაინის ჯეიმს გარეტი
მონძე	ჰენრი ტომას რეინი
ააშ-იშ წჷმმარინაფალეფიშ პალატაშ მაკათური ტეხასიშ 15-ა ოლქიშე
პოსტის გერინაშ ბორჯი
4 მელახი, 1903 – 3 მელახი, 1933
წიმოხონი	ოლქიქ გიჭყჷ
მონძე	მილტონ უესტი
ტეხასიშ წჷმმარინაფალეფიშ პალატაშ მაკათური 91-ა ოლქიშე
პოსტის გერინაშ ბორჯი
10 ღურთუთა, 1899 – 13 ღურთუთა, 1903
წიმოხონი	სემიუელ ტომას ჯოუნსი
მონძე	ფერდინანდ ვაინერტი
დუნაბადი	22 გერგობათუთა, 1868 რედ-რივერიშ ოლქი, ტეხასი, ააშ
ნაღურა	7 გერგობათუთა, 1967 (98 წანერი) იუვალდი, ტეხასი, ააშ
ნთხორუ აბანი	იუვალდიშ სასაფლა, იუვალდი, ტეხასი
მენოღალობა	ააშ
ერუანობა	ამერიკალი
პოლიტიკური პარტია	დემოკრატიული პარტია
ალმასქუ	მარიეტა რაინერი
სქუალეფი	1
გონათაფა	ვანდერბილტიშ უნივერსიტეტი
საქვარუა	პოლიტიკოსი, იურისტი
ხეშმოჭარუა

ჯონ ნენს გარნერი (ინგლ. John Nance Garner, დ. 22 გერგობათუთა, 1868 — ღ. 7 გერგობათუთა, 1967), შინელი რდჷ მეტჯოხოთ კაქტუსი ჯეკი — ამერიკალი დემოკრატი პოლიტიკოსი დო იურისტი, ააშ-იშ ვიცე-პრეზიდენტი 1933-1941 წანეფს, ფრანკლინ დელანო რუზველტიშ ადმინისტრაციას. გარნერს უკებუდჷ შანულამი როლი რუზველტიშ ახალი კურსიშ პოლიტიკას.

გურაფულენდჷ ვანდერბილტიშ უნივერსიტეტის. მუშენდჷ მოსამართალეთ იუვალდიშ ოლქის. 1898-1902 წანეფს ნინალენდჷ ტეხასიშ წჷმმარინაფალეფიშ პალატას. 1902 წანას, გიშაგორუეფს გემორძგუ დო გინირთჷ ააშ-იშ წჷმმარინაფალეფიშ პალატაშ მაკათურო. 1929-1931 წანეფს რდჷ წჷმმარინაფალეფიშ პალატაშ უჭიჭაშობაშ ლიდერი. გარნერი 1931-1933 წანეფს რდჷ წჷმმარინაფალეფიშ პალატაშ სპიკერი.

1932 წანას რუზველტიქ გარნერი წჷმარინუ ვიცე-პრეზიდენტობაშ კანდიდატო. 1932 წანაშ საპრეზიდენტო გიშაგორუეფს რუზველტიქ დამარცხჷ ჰერბერტ ჰუვერი. 1936 წანაშ გიშაგორუეფს რუზველტიქ კინ გემორძგუ. 1937 წანაშე გარნერიშ დო რუზველტიშ პოლიტიკური პოზიციეფქ ართიანს დეთხუ. გარნერს ძალამს ვამოწონდჷ ხეშუულებაშ ცენტრალიზაცია. 1940 წანაშ დემოკრატეფიშ პრაიმერეფს რუზველტიქ გემორძგუ. თიქ 1940 წანაშ დემოკრატეფიშ ერუანული კათუას, ვიცე-პრეზიდენტობაშ ახალი კანდიდატო ჰენრი უოლესი ქჷმწარინუ.

1941 წანას გარნერქ პოლიტიკური კარიერა ქიმიოტუ დო მუში ჸუდეშა, იუვალდიშა დირთჷ, სოდეთ ღურაშახ ცხოვრენდჷ. გარნერს ხოლო ურთიართალა უღუდჷ რუზველტიშ გეჸვენჯი პრეზიდენტი ჰარი ტრუმენიწკჷმა.

ლიტერატურა

• ენციკლოპედია ბრიტანიკა