ტეხასი
ტეხასი (Texas, Tx - ტექსეს) — შტატი ააშ-ს, იდვალუაფუ ობჟათე-ბჟადალიშ ცენტრალურ რეგიონს. ჯოხოქ გიადჷ ინდიარეფიშ თურიშ მეჯინათ. ჰიუსტონი სიდიდათ მაართა ნოღა რე ტეხასის დო სიდიდათ მაანთხა ააშ-ს. დალასიშ მეტროპოლიტი სიდიდათ მაართა რე ტეხასის, მაანთხა ააშ-ს. ფართობიშ 10%ს ნარკები ტიოზი რე. შტატიშ ეკონომიკურ წჷმოძინეფქ დიჭყჷ 20-ა ოშწანურაშე, მუჟამსჷთ ნავთობიშ ნოზირიქ იჸუ მეგორაფილქ, მუქჷთ გიმიჭანუ ეკონომიკური გავითარება შტატის. მიარე უნივერსიტეტიშ გონწყჷმაქ ტეხასი დარსხუ, მუჭოთ მიარეგანული ეკონომიკაშ დო მაღალი ტექნოლოგიური ინდუსტრიაშ შტატი.
ტეხასიშ ართიანი დინახლენი პროდუქტი აკადგინანს 1,224 ტრილიონ დოლარს დო მაჟირა რე კალიფორნიაშ უკული. ართიანი დინოხოლენი პროდუქტი ართ შურ მახორუშენ 36,484 ააშ დოლარი. 2010 წანაშ მუნაჩამეფით ტეხასის იბუძოლუ ფორჩუნ 500-იშ 57 კომპანია. ჩინებული კომპანიეფი ტეხასის: Halliburton, Texas Instrumentals, ExxonMobile.
ტეხასის დვალირი დალას-ფორტ ვორზიშ აეროპორტი საირქიანო გინოხარგუათ მაჟირა რე ააშ-ს დო მოსოფელის მაანთხა.
ტეხასის იბუძოლჷ მეხოლაფათ 1000 ონიშოლი, ნამჷთ გინოზინდილი რე 1600 კილომეტრის ტეხასიშ წყარპიჯის, პორტეფს დოსაქვარაფილი ჸუნა მეხოლაფათ 1 მილიონი ტეხასარი.
ისტორია[რედაქტირაფა | წყუშ რედაქტირაფა]
- 1682 – ესპანარეფიშ დახორინალი.
- 1821-1836 – მექსიკაშ ნორთი.
- 1836-1845 – დუდიშული რესპუბლიკა (აკა შტატი რე, ნამჷთ დუდიშული რდჷ).
- 1836 – ლჷმა მექსიკაწკჷმა.
- 1845 – ანექსირაფილქ იჸუ ააშ-შე.
- 1861-1870 – კონფედერაციაშ მაკათური.
ჯინჯიერი მუნაჩამეფი[რედაქტირაფა | წყუშ რედაქტირაფა]
- ფართობი – 678 ვითოში.
- მახორობა – 25,145 ვითოში, თინეფ შქას 3 მლნ მექსიკარი რე (ჩეკანამი 71,4 % , აფროამერიკალი 11,5 %, ლათინოამერიკალი 35,9 %).
- ნოღაშ მახორობა – 79,6 %.
- მუშობურობეფი – მა-2 შტატი რე მახორობათ, მა-2 ტერიტორიათ, 1-თა ნავთობიშ, გაზიშ, ბამბაშ, ორზაშ წარმებათ.
- ჩინებული ადამიერეფი – ჯორჯ ბუში, ბადი ჰოლი, სემ ჰიუსტონი, ლინდონ ჯონსონი, ჯენის ჯოპლინი, ტინა ტერნერი.
უდიდაში ნოღეფი[რედაქტირაფა | წყუშ რედაქტირაფა]
ტეხასიშ უდიდაში ნოღეფი რე: ოსტინი (ნანანოღა), 541 ვითოში, ჰიუსტონი, (ნანანოღა 1837-39 დო 1842-45 წანეფს, 1.744 ვითოში, დალასი, 1.053 ვითოში, სან-ანტონიო, 1.068 ვითოში, ელ-პასო, 600 ავითოში.
ნინეფი[რედაქტირაფა | წყუშ რედაქტირაფა]
| ნინა | მაჩიებელი პროცენტულო (2010-წანაშ მეჯინათ) |
|---|---|
| ესპანური | 29.21% |
| ვიეტნამური | 0.75% |
| ჩინური | 0.56% |
| გერმანული | 0.33% |
| ტაგალური | 0.29% |
| ფრანგული | 0.25% |
| კორეული დო ურდუ | 0.24% |
| ჰინდი | 0.23% |
| არაბული | 0.21% |
| ნოგერო-კონგოლეზიური ნინეფი | 0.15% |
ჯინჯიერი რელიგიური კონფესიეფი[რედაქტირაფა | წყუშ რედაქტირაფა]
| რელიგია[1] | |
|---|---|
| რომაული კათოლიციზმი | 28% |
| ბაპტიზმი | 21% |
| ურელიგიე | 11% |
| მეთოდიზმი | 8% |
| ქრისტიანი-შხვა | 7% |
| ლუთერანობა | 3% |
| ჟარნეჩდოვითიანელობა | 3% |
| პრესვიტერიანობა | 2% |
| ვარი-კონფესიონალური | 2% |
| მორმონეფი | 2% |
| ეპისკოპალური ოხვამერი | 1% |
| მუსლიმანი | 1% |
| იეჰოვაშ მოწამეეფი | 1% |
| ღორონთიშ შაყარუა | 1% |
| ღორონთიშ ოხვამერი | 1% |
| შხვა | 2% |
ლიტერატურა[რედაქტირაფა | წყუშ რედაქტირაფა]
- Chipman, Donald E. (1992). Spanish Texas, 1519–1821. Austin, Texas: University of Texas Press. ISBN 0-292-77659-4.
- Davis, William C. (2006). Lone Star Rising. College Station, TX: Texas A&M University Press. ISBN 978-1-58544-532-5. originally published 2004 by New York: Free Press
- Edmondson, J.R. (2000). The Alamo Story-From History to Current Conflicts. Republic of Texas Press. ISBN 1-55622-678-0.
რესურსეფი ინტერნეტის[რედაქტირაფა | წყუშ რედაქტირაფა]
- ტეხასი ვებ-ხასჷლას Open Directory Project
- The Texas State History Museum
- The Handbook of Texas Online
- Texas Register
- South and West Texas: A National Register of Historic Places Travel Itinerary
სქოლიო[რედაქტირაფა | წყუშ რედაქტირაფა]
| ||||||||||||||
