ჯონ დოს პასოსი

ვიკიპედია-შე
ნავიგაციაზე გადასვლა ძიებაზე გადასვლა
ჯონ დოს პასოსი
John dos Passos.jpg
დაბადებაშ თარიღი:

14 ღურთუთა, 1896

დაბადებაშ აბანი:

ჩიკაგო, ილინოისი, ააშ

ღურაშ თარიღი:

ეკენია 28, 1970 (74 წანერი)

ღურაშ აბანი:

ბალტიმორი, მერილენდი, ააშ

ერუანობა:

ამერიკალი Flag of The United States.svg

საქვარუა:

ჭარუ, ნოველისტი, დრამატურგი, პოეტი, ჟურნალისტი, მათანგალი, ხანტუ

Magnum opus:

სუმი ჯარიშკოჩი (1921)
მანჰეტენი (1925)
U.S.A. (1937)

ნინა:

ინგლისური ნინა

ჯილდოეფი:

ფელტრინელიშ პრემია (1967)

ჯონ როდერიგო დოს პასოსი (ინგლ. John Roderigo Dos Passos; დ. 14 ღურთუთა, 1896, ჩიკაგო, ილინოისი, ააშ — ღ. 28 ეკენია, 1970, ბალტიმორი, მერილენდი, ააშ) — ამერიკალი ჭარუ, ნოველისტი, დრამატურგი, პოეტი, ჟურნალისტი, მათანგალი დო ხანტუ. თიშ არძაშე უმოსო შინელი რომანი რე U.S.A.. დოს პასოსი გურაფულენდჷ ჰარვარდიშ კოლეჯის. გურაფაშ თებაშ უკული შარალენდჷ ევროპას. დაინტერესებული რდჷ ლიტერატურათ, ხელუანობათ დო ჭარალუათ. მონაწილენდჷ მაართა მოსოფელიშ ლჷმას დო ოკათუდჷ ამერიკაშ არმიაშ ომედიცინე კორპუსის.

1920 წანას დოს პასოსიქ გჷმაბჟინუ მუშ მაართა ნოველა "ართი კოჩიშ ინიციატივა: 1917". 1925 წანას გიშართჷ დოს პასოსიშ რომანქ "მანჰეტენი", ნამუსჷთ უღუდჷ დიდი პოპულარობა. ჯონ დოს პასოსიშ არძაშე უმოსო შინელი ნახანდი რე "U.S.A.", ნამუთ იკათუანს სუმ რომანს: 42-ა პარალელი, 1919 დო ბრელი ფარა. Modern Library-იშ აზრით U.S.A. რე XX ოშწანურაშ ართ-ართი უდიდაში რომანი.

ჭარალუაშ გარდა ჯონ დოს პასოსი შინელი რე პოლიტიკური აქტივიზმით. მაართა მოსოფელიშ ლჷმაშ უკულ, დოს პასოსიქ დეინტერესჷ სოციალიზმით დო პაციფიზმით. 1950-იან წანეფს დოს პასოსი უმოსო კონსერვატორიზმით რდჷ დაინტერესებული. ჯონ დოს პასოსიქ ღურუ 1970 წანაშ 28 ეკენიას, 74 წანერქ. ლონგვუდიშ უნივერსიტეტიქ 1980 წანას დარსხუ ჯონ დოს პასოსიშ ჯოხონობაშ ლიტერატურული პრემია.

ლიტერატურა[რედაქტირაფა | წყუშ რედაქტირაფა]

  • Carr, Virginia Spencer. Dos Passos: A Life. Evanston: Northwestern University Press, 2004.

რესურსეფი ინტერნეტის[რედაქტირაფა | წყუშ რედაქტირაფა]