დინორეშა გინულა

ჯონ მაკარტი

ვიკიპედიაშე
ჯონ მაკარტი
ინგლ. John McCarthy

ჯონ მაკარტი 2006 წანას
დაბადებაშ თარიღი:

4 ეკენია, 1927

დაბადებაშ აბანი:

ბოსტონი, მასაჩუსეტსი, ააშ

ღურაშ თარიღი:

გჷმათუთა 24, 2011 (84 წანერი)

ღურაშ აბანი:

სტენფორდი, კალიფორნია, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ინფორმატიკა

სამუშაშ აბანი :

სტენფორდიშ უნივერსიტეტი
მასაჩუსეტსიშ ტექნოლოგიაშ ინსტიტუტი
დართმუზიშ კოლეჯი
პრინსტონიშ უნივერსიტეტი

ალმა-მატერი:

პრინსტონიშ უნივერსიტეტი
კალიფორნიაშ ტექნოლოგიაშ ინსტიტუტი

ომენცარე ხემანჯღვერი:

დონალდ სპენსერი

ჯოხოშინელი მოგურაფეეფი:

რუჟენა ბაიჩი
ბარბარა ლისკოვი
რაჯ რედი

ჯილდოეფი დო პრემიეფი:

ტიურინგიშ პრემია (1971)
კომპიუტერული ტექნიკაშ პიონერიშ პრემია (1985)
კიოტოშ პრემია (1988)
მენცარობაშ ერუანული მენდალი (1990)
ბენჯამინ ფრანკლინიშ მენდალი (2003)

ჯონ მაკარტი (ინგლ. John McCarthy; დ. 4 ეკენია, 1927, ბოსტონი, მასაჩუსეტსი, ააშ — ღ. 24 გჷმათუთა, 2011, სტენფორდი, კალიფორნია, ააშ) — ამერიკალი ინფორმატიკოსი, ხელუანური ინტელექტიშ დისციპლინაშ ართ-ართი დუმარსხუაფალი. ჯონ მაკარტიქ მიშეღჷ ტერმინი "ხელუანური ინტელექტი" დო დარსხუ Lisp-იშ დო ALGOL-იშ პროგრამირაფაშ ნინეფი. ჯონ მაკარტი გურაფულენდჷ მათემატიკას კალიფორნიაშ ტექნოლოგიაშ ინსტიტუტის. უკულ გურაფა გაგინძორჷ პრინსტონიშ უნივერსიტეტის, სოდეთ თხილუ ოდოქტორე დისერტაცია დონალდ სპენსერიშ ხემანჯღვერობათ, 1951 წანას. გურაფაშ თებაშ უკულ მაკარტი მუშენდჷ დიო პრინსტონიშ უნივერსიტეტის, უკულ სტენფორდიშ უნივერსიტეტის დო დართმუზის კოლეჯის. 1956 წანას მაკარტიქ ომუშებუშა გეგნორთჷ მასაჩუსეტსიშ ტექნოლოგიაშ ინსტიტუტიშა. 1962 წანაშე მაკარტი რდჷ სტენფორდიშ უნივერსიტეტიშ პროფესორი. სტენფორდის იმუშუ 2000 წანაშა. ჯონ მაკარტი რდჷ შხვადოშხვა პრემიეფიშ დო ჯილდოეფიშ ლაურეატი. 1971 წანას მაკარტიქ მიპალუ ტიურინგიშ პრემია, 1988 წანას კიოტოშ პრემია, 2003 წანას ბენჯამინ ფრანკლინიშ მენდალი. 1990 წანას მაკარტის გინოჩეს მენცარობაშ ერუანული მენდალი. მაკარტი რე შხვადოშხვა მენცარული სტატიეფიშ დო პუბლიკაციეფიშ ავტორი.

ლიტერატურა[რედაქტირაფა | წყუშ რედაქტირაფა]

  • Pamela McCorduck, Machines Who Think: a personal inquiry into the history and prospects of artificial intelligence, 1979, second edition 2004.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: