ჯო დასენი
| ჯო დასენი | ||
|---|---|---|
 | ||
| ბიოგრაფია | ||
| თახმი ჯოხო | Joseph Ira Dassin ჯოსეფ აირა დასენი | |
| დებადჷ | 11 მესი 1938 | |
| დაბადებაშ აბანი | ნიუ-იორკი, ააშ | |
| ღურჷ | მარაშინათუთა 20, 1980 (42 წანერი) | |
| ღურაშ აბანი | პაპეეტე, ტაიტი, საფრანგეთიშ პოლინეზია | |
| ჟანრ(ეფ)ი | შანსონი, ფრანგული პოპი | |
| საქვარუა | კომპოზიტორი, მობირე | |
| ობირეში ხონარი | {{{ობირეში ხონარი}}} | |
| ინსტრუმენტ(ეფ)ი | ვოკალი, გიტარა | |
| აქტიური | 1966-1980 | |
| ლეიბლ(ეფ)ი | CBS Records | |
ჯო დასენი (ფრანგ. Joe Dassin; რსული ჯოხო ჯოზეფ აირა დასენი, ინგლ. Joseph Ira Dassin; დ. 5 გერგობათუთა, 1938 — ღ. 20 მარაშინათუთა, 1980) — ამერიკული გორჩქინაშ ფრანგი მობირე დო მუსიკოსი.
დებადჷ ნიუ-იორკის ფილმ-ნუარიშ სტილიშ რეჟისორიშ ჟულს დასენიშ დო ბეატრის ლონერიშ ფანიას. ბაღანობა დიო ნიუ-იორკის, უკული ლოს-ანჯელესის იჯარჷ. მორო სენატორ ჯოზეფ მაკკარტიშ ანტიკომუნისტური პოლიტიკაშ გეშა თინა დო თიში ფანია უკული ევროპაშა გინულა. ჟენევაშ საირქიანო სკოლას დო ლე როზიშ ინსტიტუტის გურაფაშ უკული დასენი ააშ-შა ირთუ დო მიჩიგანიშ უნივერსიტეტის გურაფლენს. კოლეჯიშ თებაში უკული საფრანგეთშა მეურს. ათაქი რადიო გითაბიჯალს მუშობას ხონარიშ ინმაჭარალი სტუდიაქ თის მუში ბირეფიშ ინოჭარუა მიარზიუ.
ორდოიანი 1970-იანი წანეფიშო დასენიშ ბირეფქ საფრანგეთიშ ჰიტებო გინირთჷ. თინა ბირეფს, ფრანგულიშ დო ინგლისურიშ მეტი, ხოლო გერმანულო, ესპანურო, იტალიურო დო ბერძენულო ჭარუნდჷ.
დასენქ გურიშ მენტალათ ღურჷ 1980 წანაშ 20 მარაშინათუთას ტაიტის შვებულებაშ პერიოდის. ნთხორილი რე ჰოლივუდის (კალიფორნია).