ჰალიკარნასიშ მავზოლეუმი
ჰალიკარნასიშ მავზოლეუმი — მოსოფელიშ შკვითი სამანცარობაშე ართ-ართი. მაფა მავსოლეშ საფულა. ჰალიკარნასიშ მავზოლეუმი, არქიტექტურაშ დო ნაწახნაკაშ მაბარჩხალე ნახანდი რე, ართ ბორჯის ვარჩქვანელობური ოძირაფალი რდჷ. თინა ჯვ. წ. IV ოშწანურას აკაგაეს, მუჭოტ ნორა ჰალიკარნასიშ მმამართალიშ, მავსოლეშ აკარდამა. მენცარეფიშ არზით, აკოგაფაქა მავსოლეშ თელარაშის დიჭყჷ. მავსოლექ ხვალე საუჯგუშო მოწახნაკეეფი დექირჷ, ნამუეფიშ ორსანტალაშ შედეგო ნოდგჷმიშ ოშწანურული დიდებაქ აშუ. კარიაშ მამართალქ, თიში თებას ვამაჭიშუ. თიქ დოხოლაფირო ჯვ. წ. 353 ვარ-და 352 წანას დოღურჷ. დონთხორეს კჷნე მუში ენაგებჷ აკარდამას, ნამუსჷთ მავსოლეშ პატოცემელო მავზოლეუმი გიოდვეს. მავზოლეუმი საბოლა სახეთ არტემისიაქ გათუ.
ჰალიკარნასი რდჷ კარიაშ თარი ნოღა. კარია ჯვ. წ. IV ოშწანურას სპარსეთიშ იმპერიაშ აკოდგინალუაშა მიშმეშჷ. თიმ ბორჯის კარიას დუდენდჷ მავსოლე. თიშ ალმასქუ რდჷ დორხველი და, ნამუსჷთ ჯოხოდჷ არტემისია. მავსოლექ გინოჭყვიდჷ მუში დო ალმასქუშ საირონო ოსვანჯეთ ქეგუდგუმუკო თიჯგუა აკარდამა, თეიშა მითინს ვაუკეთებუნფერი.
XIV ოშწანურას მავზოლეუმი დიხაშნწალუაქ მოჯალაგჷ. XV ოშწანურას, ჯგ. იოანეშ ჯვაროსანული ორდენიშ აიარეფი მავზოლეუმიშ ქუალეფს გჷმირინუანდეს ჯიხაზურგეფიშ აკაგაფალო. ონთხორუეფსჷთ ქემიოგორეს. ორქოშ დო ანჯიშ მაგორუეფქ ონთხორუეფი დოქვავქვალერო გოხირეს დო მოჯალაგეს.
რესურსეფი ინტერნეტის
[რედაქტირაფა | წყუშ რედაქტირაფა]
- The Tomb of Mausolus
- Livius.org: Mausoleum of Halicarnassus Archived 2009-09-29 ვებ-ხასჷლას Wayback Machine.